AMOS 6:6 - KITTA' MATANGKASA'

⁶ Angnginungko anggoro' battu ri pangnginungang niboneia sa'genna rassi, siagang ammakeko minynya' bau' kaminang bajika, mingka tena nasi'na pa'mai'nu mae ri kaancuranna Israel.

AMOS 6:6 ပူးပေါင်းရင်းမြစ်များ

PA'JARIANG 49:22

Yusuf rapangi keledai rungka, keledai liara' ri ampi' timbuseng je'ne', lari-laria rate ri moncong.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

ESTER 3:15

Akkaro-karomi a'lampa sikamma tunisuroa a'lampa angngantaraki anjo sikamma suraka mange ri sikontu propinsi niaka ri anjo kakaraenganga. Lanri passurona karaenga, nipa'la'bang tommi anjo parentaya ri kota Susan, iamintu ibukotana Persia. Le'baki anjo ammempo-mempomi karaenga siagang Haman, angnginung anggoro'. Mingka a'jari gegere' lompomi taua ri kota Susan passala' anjo parentaya.

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

YEREMIA 30:7

Battumi allo sannaka heba'na, allo tenaya sangkammanna. Untu' ummakKu, anjo alloa appakalussaki; mingka laKupasalamaki ke'nanga.”

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

HOSEA 3:1

Nakana Batara ri nakke, “A'lampako pole siagang angngaiko pole sitau baine nangaia a'gau' bawang. Mangngaiko ri ia sangkamma iNakke mangngaiA' ri tu Israel manna pole nabokoiA' ke'nanga nanynyomba ri barhala-barhala maraenga siagang nangai assare kanrejawa kismis mae ri barhalaya.”

AMOS 2:8

Ri sikamma tampa' ibadaya, attinroi siagang baju napappita'gallanga na naalle tulusu' battu ri tu kasi-asia. Ri Balla'Na Allata'alana ke'nanga, angnginung anggoro' naallea battu ri tau niaka inranna mae ri ke'nanga.

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

YOHANES 12:3

Battumi Maria angngerang minynya'-minynya' sannaka bau'na, kira-kira nia' sitangnga litere' jaina, sannaka ka'jala'na ballinna. Napatiri'mi anjo minynya'-minynyaka ri bangkenNa Isa, nampa nalu'lu' siagang uu'na. A'jari bau' ngasemmi niara' lalang sibatu balla' napakamma anjo minynya'-minynyaka.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

1 TIMOTIUS 5:23

Teako tuli je'ne' bawang nuinung; mingka angnginung tongko sike'de' anggoro' sollanna a'jari baji' lalang parru'nu, natena nutuli garring-garring.