Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.
AMOS 6:14 - KITTA' MATANGKASA'14 KalenNa Batara Kaminang Tinggia siagang Kaminang Koasaya angkana, “He umma' Israel, lakkiringA' tantara battu ri se'reang bansa maraeng untu' ambunduki pa'rasangannu. Lanajallakkang ngasengko appakkaramula battu ri agang mangea ri Hamat wara' sa'genna Ka'bung Araba timboro'.” အခန်းကိုကြည့်ပါ။ |
AMOS 6:14
13 ပူးပေါင်းရင်းမြစ်များ
Iaminne Yerobeam II angngalle kabusuki ammotere' sikontu daerana Israel, appakkaramula battu ri oloang mangea ri Hamat bageang wara' sa'genna mange ri Tamparang Matea ri bageang timboro'. Anjo sikammaya situruki siagang janjinNa Batara, Allata'alana Israel, tete ri atanNa, iamintu Na'bi Yunus ana'na Amitai tu Gat-Hefer.
iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.
ကြော်ငြာတွေ