AMOS 6:13 - KITTA' MATANGKASA'

¹³ A'bicara kosongko angkanaya le'ba'mi nubeta Lodebar. A'bicara tongko angkana, “Nia' kagassinganna ikambe untu' angngallei Karnaim.”

AMOS 6:13 ပူးပေါင်းရင်းမြစ်များ

2 KARAENG-KARAENG 13:25

Nampa Yoas karaeng Israel nabetai Benhadad pintallung siagang naallemi ammotere' kota-kota le'baka nialle ri Benhadad ri wattu pamarentahanna Yoahas manggena Yoas.

2 KARAENG-KARAENG 14:25

Iaminne Yerobeam II angngalle kabusuki ammotere' sikontu daerana Israel, appakkaramula battu ri oloang mangea ri Hamat bageang wara' sa'genna mange ri Tamparang Matea ri bageang timboro'. Anjo sikammaya situruki siagang janjinNa Batara, Allata'alana Israel, tete ri atanNa, iamintu Na'bi Yunus ana'na Amitai tu Gat-Hefer.

AYUB 31:25

yareka kupattampoang kakalumanynyangangku.

AYUB 31:29

Tale'baka' rannu lanri pa'risi'na musungku, yareka lompo pa'maikku lanri anggappana bala.

AYUB 8:14

Bannang alusu' a'jari panrannuanna; ru'mung lawa'-lawa' napatappa'.

AYUB 8:15

Maka gassingkai anjo ru'mung kammaya punna nipareki pammanjengang? Maka attahangi anjo bannang kammaya punna nipareki panna'gallang?’

PAMMUJI 2:2

Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

PAMMUJI 75:4

Punna ta'goccang linoa siagang sikontu pandudu'na iNakke lampakajarreki sikamma bentenna.”

PAMMUJI 75:5

Mae ri tau nangaia akkana borro laKupauangi sollanna tenamo nakkana borro pole.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

YESAYA 7:1

Anjo lapung Karaeng Ahas, iami ana' bura'nena Yotam, cucunna Uzia. Ri wattunna ia ammarenta ri Yehuda, kajariammi bunduka. Rezin karaeng Siria, siagang Pekah ana' bura'nena Remalya karaeng Israel, battui ambunduki Yerusalem. Mingka takkulleai nabeta ke'nanga anjo kotaya.

YESAYA 7:4

Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.

YESAYA 8:6

“Anne bansaya natollaki je'ne' ci'nong battua ri pangka Binangana Syiloah, na sannang ri Karaeng Rezin siagang Karaeng Pekah.

YEREMIA 50:11

Nakana Batara, “He tu Babel, nuellaki ummakKu. A'lumpa'-lumpakko napakamma rannu rapang jarang assa'raya, siagang rapang sapi a'rukuka.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

YEHEZKIEL 29:9

Mesir la'jari butta sino. Jari nuassemmi angkanaya iNakke Batara.” Nakana Batara, “He karaeng Mesir! Lanri nukanana angkanaya anjo Binanga Nil ikau pata, siagang angkanaya ikau ampareki,

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

YUNUS 4:6

Appatimbomi Karaeng Allata'ala se're poko' a'lamba' akkullea alla'langngi Yunus sa'genna sannang nasa'ring. Memang, sannang sikali nyawana Yunus mae ri anjo lamung-lamunga.

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

ZAKHARIA 1:19

Akkuta'nanga' mae ri anjo malaeka' le'baka a'bicara mae ri nakke, angkana, “Apa ngaseng battuanna anjo sikamma tanruka?” Appialimi angkana, “Anjo sikamma tanruka iamintu pangngebarranna sikamma kakaraengang makassaka ampatassimbung-simbungai pandudu'na Yehuda, Israel siagang Yerusalem.”

YOHANES 16:20

Tappa' mako angkanaya, langngarrukko siagang lappiraungko, mingka larannui linoa. Lasusai pa'mai'nu, mingka lanipinrai kasusannu a'jari karannuang.

YAKOBUS 4:16

Mingka kamma-kamma anne a'jari tampo mako siagang lompomi bicarannu. Anjo bicara lompo kammaya sala ngasengi.

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.

1 SAMUEL 4:5

Battunamo anjo Patti Parjanjianga mae ri kemaya, a'gora-gora lompomi tu Israel, sa'genna ta'ge'goso' buttaya.