AMOS 6:11 - KITTA' MATANGKASA'

¹¹ Punna assarei parenta Batara, sikamma balla' lompoa siagang ca'dia laniancuru' kabusuki.

AMOS 6:11 ပူးပေါင်းရင်းမြစ်များ

2 KARAENG-KARAENG 25:9

Natunui Nebuzaradan Balla'Na Batara, balla' karaenga siagang balla'na sikontu pamimpinga ri Yerusalem.

PAMMUJI 105:16

Napabattui Batara kacipuranga ri anjo pa'rasanganga, na Naalle sikontu parsadiaang kanrea.

PAMMUJI 105:31

Lanri parentaNa Allata'ala battumi katingaloa, siagang sikamma lamuka angkatulungi anjo sikontu pa'rasanganga.

PAMMUJI 105:34

Lanri parentaNa, battui katimbanga, teai sipato' jaina, takkulleai nirekeng jaina.

KATO'BA 10:18

Lakabosiangi pattongko'na ballaka punna tena nipakabajiki, na kale'bakkanna jappo'mi anjo ballaka lanri kamalassang.

YESAYA 13:3

Le'ba'mi Nakio' Batara sikamma pejuang nipileNa. Kassaki ke'nanga, napatappaki kalenna siagang akkullei Nakalompoang pa'mai'. Nasarei tugasa' Batara ke'nanga untu' anghukkungi sikamma tau natabaya pangngalarroinNa.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

AMOS 3:15

Sikamma balla' untu' wattu dinginga siagang balla' pammari-marianga ri wattu timoroka laniancuruki. Sikamma balla' nibelo-beloa siagang gading gajaya lanirumbangi; sikontu balla' karaenga laniancuruki.

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

AMOS 9:1

Kuciniki Batara ammenteng ri ampi'na tampa' pakkoro'bangnganga. Napassareangi anne parenta kammaya, “Tunrung sarringi sikamma ulu bentenga ri BallakKu sollanna ta'goccang kabusu' pattiro-tiroanga. Rumbang kabusuki anjo sikamma benteng mae ri tuju ulunna taua. Tenaya namate laKubunoi lalang ri pa'bundukanga. Tena manna sitau lakkulle lari yareka ta'lappasa'.

AMOS 9:9

LassareA' parenta siagang laKutapi bansa Israel rapang tau attapi gandung lalang ri pattapia. Untu' ampela' kabusuki tenaya bua'-bua'na battu ri ke'nanga, laKugoccangi ke'nanga ri alla'na bansa-bansaya.

NAHUM 1:14

Iaminne kaputusanNa Batara ri passala'na bansa Asyur, angkana, “Tenamo turunganna ke'nanga untu' ampannarrusuki jari-jarina bansana. Patung-patung barhala niaka lalang ri balla' rewata-rewatana laKuancuruki. Kupasadiami jera'na bansa Asyur nasaba' tenamo nasiratang ke'nanga attallasa'!”

ZAKHARIA 14:2

LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”