AMOS 6:1 - KITTA' MATANGKASA'

¹ Cilakako ikau ngaseng attallasa' nyamanga ri Sion, siagang amanga pakkasia'na ri Samaria – ikau ngaseng he pamimpinna tau jaia ri anne Israel porea, ikau ngaseng sarroa nibattui ri ra'yaka untu' nipappalakki pannulungang!

AMOS 6:1 ပူးပေါင်းရင်းမြစ်များ

1 KARAENG-KARAENG 16:24

Mingka ribokoanganna ammallimi se're moncong 6.000 doe' pera' ballinna battu ri sitau niarenga Semer. Nampa ambangung se're kota ri anjo monconga siagang naareng Samaria, situru' arenna Semer, areng patannaya riolo anjo monconga.

PAMMUJI 123:4

Sukku'mi batena ikambe nicau-cau ri tukalumanynyanga, siagang nitoa-toai ri tau borroa.

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

YEREMIA 2:3

Israel, iNakke KalengKu ampatangko, Kusayanga lalang ri pa'maikKu. Kupitujui bala sikontu tau ansessayako, iNakke, Batara, anne akkana.”

YEREMIA 48:11

Nakana Batara, “Battu riolo amangi tallasa'na Moab. Tale'bakai niengka' mange ri butta pammelakkanga. Ia rapangi je'ne' anggoro' nibolika sallo siagang tale'bakai nipatiri' antama' ri tampa' anggoro' maraenga. Anggoro'na tuli bau' iji siagang nyamangi.

YEREMIA 49:31

‘Umba maju! Umba nanibunduki tau nakanaya kalenna amang siagang sannang. Kotana ke'nanga tena pa'la'langanna, lanri tena pakke'bu' lompona siagang tena panjolina.’ ”

YEREMIA 5:5

Baji'mi nakua'lampa mae ri sikamma tumalompoa, nampa a'bicara siagang ke'nanga. Mattantu naassengi ke'nanga apa Nakaerokia siagang Natuntuka Karaeng Allata'ala battu ri ke'nanga.” Mingka, yangasenna anjo ke'nanga tena todong naero' Niparenta ri Batara; taerokai ke'nanga mannuruki ri Ia.

YEREMIA 7:4

Teako patappakki patipua, angkanaya, ‘Amangki', lanri anne Balla'Na Batara. Tojeng-tojeng anne Balla'Na Batara!’

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

AMOS 3:9

Pa'la'bangi pabattu mae ri tau ammantanga ri balla' karaenga ri Mesir siagang Asdod angkana, “A'rappung ngasengko ri moncong-moncong tammulilina Samaria, siagang parhatikangi karicuang lompoa kammayatompa pammaccokang nigaukanga anjoreng.”

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

AMOS 9:10

Nakana sikamma tudorakaya ri alla'na ummakKu, ‘Tena nalaNabalang parekangki' Allata'ala nituju ri bala.’ Mingka, sikontutojenna lanibunoi ke'nanga lalang pa'bundukang.”

MIKHA 3:1

Pilangngeri, he ikau sikamma tukoasana Israel! Mustina nuassengi nikanaya apa adele',

ZEFANYA 1:12

Anjo wattua langngalleA' sulo, na Kuparessa kota Yerusalem. LaKuhukkungi pandudu'na tamanjampangia siagang nakanaya ganna'mi ri kalenna, siagang appikkirika angkanaya iNakke anne, Batara, tale'baKa' angngalle tindakang kamma anne yareka kamma anjo.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

YAKOBUS 5:5

Alla'bi-la'bi mako ri katallassannu, siagang nukasia'mi kasannanganga ri anne linoa. Sanrapangko tau nupakaco'moka kalennu untu' lanisamballe sallang ri allo labattua.

1 PETRUS 5:7

Erangi ranggaselanu mae ri Allata'ala, nasaba' Iami anjampangiko.

HAKING-HAKING 18:7

Le'baki anjo a'lampami anjo tau limaya nampa mange ri Lais. Anjoreng naparhatikammi ke'nanga pandudu'na. Ma'nassami angkanaya cara katallassanna anjo panduduka ri Lais sangkammai bansa Sidon. Manna nakasa'lakkang ke'nanga, siagang bellai ri bansa Sidon, amangi siagang sannangi katallassanna ke'nanga, tena musunna, bajiki pattallassanna siagang tena kakuranganna ke'nanga manna sike'de'.