AMOS 5:7 - KITTA' MATANGKASA'

⁷ Cilaka ngasengko, ikau tau amputara' balekai kaadelanga siagang tau anjallakkangai ha'na taua!

AMOS 5:7 ပူးပေါင်းရင်းမြစ်များ

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

PANGNGEBARANG 21:7

Tau ja'dalaka taerokai mannuruki ri hukkung; nisessai ri kapallakkang kalenna.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 10:1

Cilakako kau appareka hukkung tenaya naadele' untu' anjallakkangi bansaKu.

YESAYA 46:12

PilangngeriA', he sikamma tau tampoa, ikau angkapangai angkanaya bella iji pammetanga.

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEHEZKIEL 18:24

Mingka punna nia' tau baji' natenamo nagaukangi bajika, ba'lalo appakkaramulami nagaukang kaja'dallanga siagang sikontu panggaukang appakaringi' biasaya nigaukang ri tau ja'dalaka, maka lakkullei tuli attallasa'? Tena! Battu ri sikamma anjo panggaukang-panggaukang baji'na, tena manna se're laniu'rangi poleang. Lamatei lanri nagaukanna dosaya siagang lanri tenana namajarre' mae ri Nakke.

YEHEZKIEL 3:20

Punna nia' se're tau baji' appakkaramula a'gau' dosa, nampa Kupasidallekangi siagang bahaya, lamatei punna tena nupakaingaki. Lamatei lanri dosa-dosana, siagang sikamma panggaukang baji'na tena nalaKuu'rangi. Mingka tanggong jawa'na ri anjo kamateanna laKutuntuki battu ri kau.

YEHEZKIEL 33:18

Sikalipi pole Kupau, angkanaya punna nia' tau baji' appakkaramula anggaukangi ja'dalaka, lamatei lanri anjo kaja'dallanna.

HOSEA 10:4

A'bicara kosongi ke'nanga siagang appareki janji takontutojeng siagang anynyikkoki parjanjiang tenaya matu-matunna. Naputara' baleki hukkunga ke'nanga, sa'genna attimbomo tenaya naadele' rapang lamung-lamung a'racunga ri koko le'baka nibingkung.

AMOS 2:3

Pamarentana Moab siagang sikontu pagawe pamarentana laKubuno kabusuki.”

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

AMOS 6:12

Maka akkullei lari jaranga irate ri bulu' batua? Niakka tau le'ba' ampa'jekoi tamparanga siagang sapi? Mingka ikau ngaseng le'ba'mi nuputara' bale' kaadelanga a'jari racung ammunoa, siagang annabaya a'jari sala.

MIKHA 3:9

Pilangngeri anne kana-kanangku, he ikau ngaseng tukoasana Israel nakabirisia kaadelanga siagang amputara' balekai katojenganga.

HABAKUK 1:4

Hukkunga nibawang-bawangngangi siagang kaadelanga tale'bakai nipaenteng. Tau ja'dalaka ammetai mae ri tau lambusuka, siagang kaadelanga niputara' baleki.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

PAOLE 29:18

Jari, katutui sollanna tena lalo battu ri kau, bura'ne yareka baine, kaluarga yareka suku, ia niaka ammenteng anrinni, ta'giling battu ri Karaeng Allata'alata untu' anynyomba mae ri rewata-rewatana bansa maraenga. Anjo panggaukang kammaya rapangi aka' attimboa battu ri lamung-lamung paika siagang niaka racunna.