AMOS 5:27 - KITTA' MATANGKASA'

²⁷ Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

AMOS 5:27 ပူးပေါင်းရင်းမြစ်များ

1 KARAENG-KARAENG 14:15

laNahukkummi Batara tu Israel sa'genna sanrapang apa-apa ta'ronang-ronanga nianyukkang ri je'ne'. Lanipasuluki ra'ya' Israel ri Batara battu anrinni ri anne pa'rasangang bajika ia le'baka nipassareang ri boe-boena ke'nanga. Lanipatassia'-siaraki ke'nanga anta'leanna Binanga Efrat, lanri napabattuna ke'nanga larroNa Batara, iamintu lanri appare'na ke'nanga patung-patung rewata baine Asyera.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 17:23

sa'genna kale'bakkanna tenamo naniparhatikang ke'nanga ri Batara, passangalinna nipela'mi ke'nanga battu ri butta nipassareanga mae ri ke'nanga. A'rupami anjo kajariang kammaya situru' pappakainga' le'baka Napassareang Batara mae ri ke'nanga tete ri ata-atanNa iamintu na'bi-na'bia. Kammami anjo nanierammo tu Israel mange ri butta pammelakkanga ri Asyur, siagang anjoremmi ammantang ke'nanga sa'genna anne alloa.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

YEREMIA 38:17

Jari kupaumi mae ri Zedekia angkanaya Batara Kaminang Koasaya, Allata'ala nisombaya ri tu Israel, akkana kammai anne, “Punna manyarako mae ri pagawe-pagawena karaeng Babel, tena nulanibuno, siagang anne kotaya tena todong nalanitunui. Ikau siagang kaluarganu lasalamakko.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

AMOS 5:26

Mingka kamma-kamma anne anynyombako mae ri Sakut anjo nukanaya karaennu, siagang Kewan, anjo bintoeng nukanaya rewatanu. Lanri kammana anjo, anjo sikamma patung nupareka musti kalennu angngengkaki.

AMOS 6:1

Cilakako ikau ngaseng attallasa' nyamanga ri Sion, siagang amanga pakkasia'na ri Samaria – ikau ngaseng he pamimpinna tau jaia ri anne Israel porea, ikau ngaseng sarroa nibattui ri ra'yaka untu' nipappalakki pannulungang!

AMOS 6:7

Lanri kammana anjo, ikau ngasemmi uru-uru laniengka' mange ri butta pammelakkanga. Passua'-suarrannu siagang pangnganreang-pangnganreannu lakala'busammi.

LAMPA-LAMPANA 7:43

Mingka balla'-balla'na rewata Molokh nuerang mange-mange siagang patunna bintoeng rewatanu, iamintu Refan; iaminjo patung nupareka, ero' nusomba. Iaminjo saba'na nalaKupelakko sa'gennu bella mange ri ba'leanna pa'rasangang Babel.’