AMOS 5:26 - KITTA' MATANGKASA'

²⁶ Mingka kamma-kamma anne anynyombako mae ri Sakut anjo nukanaya karaennu, siagang Kewan, anjo bintoeng nukanaya rewatanu. Lanri kammana anjo, anjo sikamma patung nupareka musti kalennu angngengkaki.

AMOS 5:26 ပူးပေါင်းရင်းမြစ်များ

1 KARAENG-KARAENG 11:33

LaKugaukangi anjo kammaya lanri nabokoiMa' Salomo nampa anynyomba ri rewata-rewataya, iamintu: Asytoret, rewata baine battu ri Sidon; Kamos, rewata bansa Moab, siagang Milkom, rewata bansa Amon. Tena naturuki Salomo erokKu. Tena nasangkamma Daud manggena mannurukia ri Nakke siagang anggaukangai parenta-parentaKu.

YEHEZKIEL 20:16

Kuancang kammai anjo ke'nanga lanri nabalang parekangi ke'nanga parenta-parentaKu, nadakkai hukkung-hukkungKu siagang nara'massi allo Pammari-marianga. Nangaiangngangi ke'nanga anynyombaya ri barhala-barhalana ke'nanga.

KAIMANGNGANG 18:21

Teako passareangngi kalase'renna ana'nu untu' nikoro'bangkang lalang ri panynyombanga mae ri Rewata Molokh, lanri anjo panggaukang kammaya nahinai arenNa Allata'ala, Bataranu.

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

LAMPA-LAMPANA 7:43

Mingka balla'-balla'na rewata Molokh nuerang mange-mange siagang patunna bintoeng rewatanu, iamintu Refan; iaminjo patung nupareka, ero' nusomba. Iaminjo saba'na nalaKupelakko sa'gennu bella mange ri ba'leanna pa'rasangang Babel.’