AMOS 5:21 - KITTA' MATANGKASA'

²¹ Nakana Batara, “Kukabirisi siagang lanreA' anciniki passua'-suarranna agamanu!

AMOS 5:21 ပူးပေါင်းရင်းမြစ်များ

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

YEHEZKIEL 23:18

Le'baki anjo a'nassa-nassami a'jari pasundala' siagang napappicini'-cinikammi tubuna mae ri tau jaia. ErokKa' takkoa' Kusa'ring anciniki, sangkamma todong erokKu takkoa' anciniki daenna.

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

HOSEA 5:6

A'lampai ke'nanga a'boya Batara angngerang gimbala' siagang sapi untu' koro'bang, mingka yangasenna anjo tena matu-matunna. Nasaba' Nibokoimi ke'nanga ri Batara, na tenamo nakkulle ke'nanga ambuntuluki.

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

AMOS 4:5

Assare mako roti salaku sukkuru'nu mae ri Nakke, siagang a'bicara kosong mako angkanaya le'ba' mako angngerang tambana passarenu! Tantu iaminjo nungai ngaseng nugaukang!

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.