AMOS 5:18 - KITTA' MATANGKASA'

¹⁸ Tojeng, cilaka ngaseng mako tau nakkuka ri AllonNa Batara! Apa matu-matunna anjo alloa mae ri kau? Anjo alloa poro allo sassanji bawang, teai allo singara' mae ri kau.

AMOS 5:18 ပူးပေါင်းရင်းမြစ်များ

YESAYA 13:6

Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

YESAYA 24:18

Tau laria battu ri anjo kagegeranga latu'guruki antama' ri sikko' tattannanga, na tau ta'lappasaka battu ri sikkoka laniallei ri tado'. Bosi lompoa latattumpai battu rate ri langika, nampa dapara'na buttaya lata'goccangi.

YESAYA 5:19

Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

YESAYA 5:30

Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 17:15

Nakana taua ri nakke, “Kemae ngasenji anjo pa'garatta'Na Batara? Lappassammi Nagaukang kamma-kamma anne!”

YEREMIA 30:7

Battumi allo sannaka heba'na, allo tenaya sangkammanna. Untu' ummakKu, anjo alloa appakalussaki; mingka laKupasalamaki ke'nanga.”

YEHEZKIEL 12:22

“He tau, angngapai tu Israel nangai kammai napau paruntu' kana kammaya anne: ‘Kasambeangi jammanga, mingka botoa tenanga'rupayai'’?

YEHEZKIEL 12:27

“He tau, napaui tu Israel angkanaya anjo paccini'nu siagang nubotoa sallo duduiji sallang nampa la'rupa.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

OBAJA 1:15

“Tojeng, a'reppese'mi allongKu, iNakke, Batara untu' angngadeli bansa-bansaya. Apa nagaukanga tu Edom lanibalasaki mae ri kalenna. Lanakasia' tongi apa le'baka nagaukang.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

2 PETRUS 3:4

nakana, “Sai nukana a'janji Batara labattu! Kemaemi kamma-kamma anne? Matemi boe-boeta, mingka yangasenna apa-apaya tuli kammana ri uru nipa'jarina linoa!”