AMOS 5:15 - KITTA' MATANGKASA'

¹⁵ Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

AMOS 5:15 ပူးပေါင်းရင်းမြစ်များ

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

1 KARAENG-KARAENG 20:31

Battumi sikamma perwira tantarana angkana, “Nakana taua, karaeng-karaenna Israel sangnging karaeng lompo pangngamaseang. Lanri kammana, kipa'biammi ikambe mange andallekang ri karaeng Israel ammake kaeng karung a'jari pammatei sesse' lalang siagang otere' ri kallong a'jari pammatei tau tundu'. Poro tena laloja nabunoki' karaenga.”

2 KARAENG-KARAENG 13:7

Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 19:4

Nia'mo sitau panglima tinggi pangka'na battu nasuro karaeng Asyur untu' antunai Allata'ala mattallasaka. Inai angngassengi, gassingka Nalangngere'mi Karaeng Allata'alanu anjo kana-kana mappakatunaya mae ri KalenNa, siagang Nahukkung tau le'baka ampasuluki anjo kana kammaya. Lanri kammana anjo appala' doang laloko mae ri Allata'ala untu' taunta attallasaka ija.”

PAMMUJI 119:104

Hukkung-hukkunTa nasarea' pangngassengang, sa'genna kukabirisi panggaukang jekkonga.

PAMMUJI 34:14

Teako appasuluki kana-kana ja'dala', siagang teako nungai akkala' annipua.

PAMMUJI 36:4

Kana-kananna ja'dalaki siagang rassi balle-balle, tenamo nagaukangi apa bajika siagang annabaya.

PAMMUJI 37:27

Bokoi kaja'dallanga, gaukangi bajika, na untu' satunggu-tungguna napammantangngi turungannu anjo buttaya.

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PAMMUJI 97:10

He, ikau ngaseng mangngaia ri Batara, kabirisi laloi kaja'dallanga! Saba' Najagai Batara tallasa'na umma'Na, Napakabebasaki ke'nanga battu ri koasana tu dorakaya.

KALAPPASSANG 32:30

Ammukona nakanamo Musa ri anjo bansaya, “Ikau doraka lompo ngaseng mako. Mingka kamma-kamma anne eroka' nai' poleang ri monconga untu' andallekang ri Batara; dasi-dasi na Napammopporanga' siagang Napammopporangi dosa-dosanu.”

YEREMIA 18:8

nampa toba' anjo bansaya battu ri dosana, laKupaonoki anjo pattujungKu.

YEREMIA 22:3

“A'gau' adelekko siagang a'gau' lambusukko. Lappassangi tau nipaccoka battu ri kakoasanna tau papaccoka. Teako anjallakkangi yareka teako a'gau' ja'dalaki mae ri bansa maraeng niaka ammantang ri alla'nu, mae ri ana'-ana' kukanga, yareka mae ri jandaya. Teako bunoi tau tenaya salana ri anne tampaka.

YEREMIA 31:7

Nakana Batara, “Akkelongko a'rannu-rannu untu' Israel, ummakKu – bansa makase'rea ri sikontu bansaya Akkelongko kelong-kelong pammuji, siagang kabarrangi, angkana: ‘Le'ba'mi Napasalama' Batara niaka tassesa battu ri umma'Na.’

YEHEZKIEL 45:9

Nakana Batara Kaminang Tinggia, “He sikamma patugasa' pamarentana Israel, angganna'mi dosa-dosanu! Pamarimi anjo tindakannu appaero'-eroka siagang anjallakkangai ra'yaka. Gaukammi apa annabaya siagang adeleka. Tea sikaliko bongkai pole ummakKu battu ri tampa'na ke'nanga. INakke, Batara Kaminang Tinggia, amparentakangi anjo mae ri kau.

DANIEL 2:49

Mingka lanri pappala'na Daniel, napassareammi karaenga anjo pamarentahang propinsi Babel mae ri Sadrakh, Mesakh siagang Abednego, nampa kalenna Daniel ammantangi ri balla' karaenga.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

AMOS 5:24

Bajikangngangi appatujuangko sollanna a'lo'loro' kaadelanga rapang je'ne', siagang kalambusanga rapang binanga tenaya nale'ba' kalotoro'.

AMOS 5:6

Ammotere' mako mae ri Batara, na nulattallasa'. Punna tammoterako mae ri Ia, labattui kontu pepe' a'le'lereka siagang antunui sa'genna cappu' sikontu tu Israel. Ri Betel tena manna sitau akkulle ambunoi anjo pepeka.

AMOS 6:12

Maka akkullei lari jaranga irate ri bulu' batua? Niakka tau le'ba' ampa'jekoi tamparanga siagang sapi? Mingka ikau ngaseng le'ba'mi nuputara' bale' kaadelanga a'jari racung ammunoa, siagang annabaya a'jari sala.

AMOS 7:3

Napinrami rancanaNa Batara siagang Nakana, “Anjo apa nucinika tena nalakajariang.”

YUNUS 1:6

Ri wattunna naung anjo juraganna kappalaka nabuntulu'mi Yunus anjoreng sitabang attinro. Nakanamo ri ia, “Angngapa nukkulle tinro kau lalang ri wattu kammaya anne! Ambangungko nai'! Appala' doangko mae ri rewatanu untu' appala' tulung. Inai angngassengi gassingka lanakamaseangki' sa'genna tena nipanra'.”

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”

MIKHA 2:12

Nakana pole Batara, “He umma' Israel niaka ija tassesa! Ma'nassa laKupa'rappungko siagang Kupasse'reko rapang gimbala' ammotereka mae ri barana. Rapang parang ruku' rassia siagang gimbala', kamma tomminjo pa'rasangannu larassi siagang tau jai.

MIKHA 3:2

mingka ba'lalo nukabirisi apa bajika, siagang sannangko mae ri kaja'dallanga. Nubi'bi' attallasaki bansaku, siagang nukereki dagenna battu ri buku-bukunna.

MIKHA 5:3

Punna battu anjo tumakoasaya, laNaparentai umma'Na lalang kagassinganNa siagang kakoasang battua ri KalenNa Karaeng Allata'ala. Laamangi tallasa'na umma'Na, lanri sikontu taua ri sikontu linoa lanamangakui kabusuki kalompoanNa,

ZEFANYA 2:3

Ammotere' mako mae ri Batara, he sikontu tau tuna pa'maika ri anne pa'rasanganga, siagang sikontu tau anturukiai parenta-parentaNa. Appanggaukang mako situru' ero'Na Batara, siagang pakatunai kalennu ri dallekanNa. Inai angngassengi gassingka lata'lappasa' jako battu ri hukkunganga ri allo Napa'nyatana kalarroanNa Batara.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

ROMA 7:22

Atingku lalang nangai apa-apa Napassuroanga Allata'ala,

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

3 YOHANES 1:11

Sari'battangku, sannaka kukarimangnginna; teako turuki apa-apa kodia. Iamo apa-apa bajika nuturuki. Inai-nai a'gau' baji', iami anjo taua tau battu ri Allata'ala. Na inai-nai a'gau' ja'dala', ma'nassa tenapa nale'ba' sibuntulu' siagang Allata'ala.