AMOS 5:12 - KITTA' MATANGKASA'

¹² Kuassengi antekamma lompona kaja'dallannu siagang antekamma jaina dosanu. Nujallakkangi tau bajika; annarimako doe' nipacoco' siagang nubalang parekangi tu kasi-asia nigau' taadele' ri pangadelanga.

AMOS 5:12 ပူးပေါင်းရင်းမြစ်များ

AYUB 20:19

Saba' najallakkangi siagang napakkasi-asi tau tenaya apa-apanna; narampasaki balla' tenaya nabangungi.

AYUB 31:21

Ebara' angkana le'baka' anjallakkangi ana' kukanga, lanri tappakku angkana lammeta' ri parkaraku,

PAMMUJI 127:5

Mate'nei tau niaka parsadiaanna pana-pana kammaya anjo! Tena nalanibeta, wattunna nadallekang musua ri pangadelanga.

KALAPPASSANG 23:3

Teako appasimmara'-maraengi ri parannu tau lalang ri pangadelanga, manna pole natukasi-asi anjo tau niadelia.

KALAPPASSANG 23:6

Pakaadeleki panggaukannu mae ri tu kasi-asia punna battui mae ri kau angngerangi parkarana ri pangadelanga.

PANGNGEBARANG 17:8

Nia' tau angkapangi angkana anjo doe' pammuccuka akkullei appa'jari apa appakalannasa'; lanri doe' pammuccu' yangasenna akkullei nipa'jari.

PANGNGEBARANG 22:22

Teako pakarugi tu kasi-asia, kalanri lammana bawang; na punna ri pangadelang teako alle passai ha'na tu tenaya pakkullena.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 10:2

Kammaminjo caranu anrompai tu kasi-asia anggappai ha'na siagang kaadelanga, siagang nurampasa' apa-apanna sikamma jandaya siagang ana' kukanga.

YESAYA 29:21

tau nangaia ampitinai paranna tau, tau ampappisangkangai nihukkung tau ja'dalaka, siagang tau appa'la'banga carita-carita balle-balle sollanna tanggappaya kaadelang tau lambusuka.

YESAYA 33:15

Akkulleko attahang punna akkanako nupanggaukang baji'. Teako a'boyai passawallang lanri nupacco'na tau kasi-asia, siagang teako annarimai doe' pammuccu'. Teako katuru'-turukangngi ri tau a'rancanaya pammunoang yareka kaja'dallang maraengannaya.

YESAYA 47:9

Mingka poro sinampe'ji bawang, lalang siallo, nappada kajariang anjo ruaya passala'. Manna ammakeko baca-baca siagang pangngissengang, lanialle tonji bura'nennu siagang ana'nu.

YESAYA 5:23

Mingka lanri ero'nuji anggappa doe' pammuccu', nanulappassang tau salaya, siagang nurompai tau tenaya nasala anggappa kaadelang.

YESAYA 66:18

Kuassengi pikkiranna siagang panggaukanna ke'nanga. NiakKa' battu untu' ampa'rappungangi sikamma taua battu ri sikontu bansa-bansaya. Ri wattunna a'rappung ke'nanga, lanacini'mi ke'nanga koasaKu.

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

PIRAUNG 3:34

Punna kamma tunijallakkang pa'maitta lalang ri tahananga,

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

HOSEA 5:3

Kuasseng ngasengi sikontuna batangkalennu ngaseng, he ikau tu Israel. Tena olona lania' akkulle nurahasiakang mae ri Nakke. Anynyombako ri barhalaya siagang tenamo namajarre' pa'mai'nu mae ri Nakke. Lanri kammana anjo, tena nasiratang taunnu anynyomba mae ri Nakke.”

AMOS 2:16

Ri anjo alloa manna tantara kaminang barania lanabokoi tongi sanjatana nampa lari. INakke, Batara, anne akkana.”

AMOS 2:3

Pamarentana Moab siagang sikontu pagawe pamarentana laKubuno kabusuki.”

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

AMOS 5:7

Cilaka ngasengko, ikau tau amputara' balekai kaadelanga siagang tau anjallakkangai ha'na taua!

AMOS 8:4

Pilangngeri, he ikau ngaseng anjallakkangai tu kasi-asia ri anne pa'rasanganga sa'genna panra' ke'nanga!

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

PAOLE 16:18

“Ri tunggala' kota Napassareanga Karaeng Allata'alanu mae ri kau, musti angngangkakko haking-haking siagang patugasa'-patugasa' maraengannaya untu' angngadeli kara-karana ra'yaka siagang adele'.

PAOLE 31:21

siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

YAKOBUS 5:6

Nuhukkummi siagang nubunomi tau tenaya salana, na tanaewayako ke'nanga.

RUT 4:1

A'lampai Boas mange ri tampa' passibuntulanga ri pakke'bu' lompona kotaya. Ammemponamo anjoreng, nia'mo allalo sitau bura'ne naassenga Boas angkanaya anjo taua bija ma'reppese' sikalina Elimelekh. Nakio'mi Boas anjo taua angkana, “Sari'battang, mae sako ammempo anrinni.” Battumi anjo taua, nampa ammempo.

1 SAMUEL 8:3

Mingka tena naturuki panggaukanna manggena ke'nanga, passangalinna kaparalluang kalennaji bawang tuli naondang. Annarimai ke'nanga doe' pacoco', siagang tena naadele' ke'nanga angngadeli ra'yaka.