AMOS 4:13 - KITTA' MATANGKASA'

¹³ Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

AMOS 4:13 ပူးပေါင်းရင်းမြစ်များ

AYUB 9:7

Akkullei Napisangkai Allata'ala ammumba alloa ri wattu bari'basa', na Natanakellaia assioro' sikamma bintoenga ri wattu bangngi.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

PAMMUJI 139:2

IKatte angngassengi sikontu panggaukangku; battu bellaKi' naKipahang pikkirangku.

PAMMUJI 147:18

Nampa lanri parentaNa nassolong anjo eska; napammiriki anginga, nampa a'lo'loro'mo je'neka.

PAMMUJI 65:6

Kipiali ikambe iamintu Kisarei ikambe pammetang, Kigaukangi apa-apa appakalannasaka untu' ampasalamaki ikambe! IKattemi panrannuanna sikontu bansaya sa'genna mange ri tamparang bellaya.

KALAPPASSANG 10:22

Naangka'mi limanna nai' Musa, na nitongko'mo ri sassang makkappu' sikontu pa'rasangang Mesir tallungallo sallona.

KALAPPASSANG 14:20

sa'genna nia' ri alla'na pasukang Mesir siagang pasukang Israel. Angngerammi sassang anjo rammanga, sa'genna sikabusu'na bangngia takkulleai sireppesi anjo ruaya pasukang.

YESAYA 40:12

Inai ambakuki tamparanga siagang pala' limanna, yareka angngukkuruki allaka siagang pa'lama'na? Inai ambakuki buttaya siagang pa'baku' yareka antimbangi monconga siagang buluka ammake dacing?

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YESAYA 47:4

Allata'ala matangkasa'na Israel allappassangki', arenNa Batara Kaminang Makoasaya.

YESAYA 48:2

Mingka manna nakamma, lompoi pa'mai'nu ammangakui angkana ikau pandudu'nako kota matangkasaka; angkanaya ikau tanjengko mae ri Allata'alana Israel niarenga Batara Kaminang Makoasaya.

YESAYA 5:30

Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 46:18

INakke Allata'ala mattallasaka, iNakke Karaeng, Batara Kaminang Koasaya. Rapang Bulu' Tabor ammenteng kassa' ri alla'na sikamma buluka, rapang Bulu' Karmel ammenteng kassa' ri tompo'na tamparanga, kammami anjo kagassinganna ia battua ambundukiko.

YEREMIA 51:16

Poro assareji bawang parenta, nammarrummo je'neka battu ri passimbanga. Battu ri cappa'na buttaya Napabattui rammanga, nampa Napare' kila' tassioroka lalang ri bosia, na Napabattu anginga battu ri pammolikanna.

YEREMIA 51:19

Allata'alana Yakub tena nasangkamma anjo barhalaya; Iami ampareki sikontu apa niaka. Arenna iamintu Batara Kaminang Koasaya; le'baki Napile tu Israel a'jari umma'Na.

DANIEL 2:28

Mingka ri suruga, nia' Allata'ala akkulle ansungkei sikontu rahasiaya, siagang Iami le'ba' ampauangki' karaeng apa lakajarianga ri allo ri boko. Kamma-kamma anne, boli'mi kamma nanapakasingara' atanta angkana apa so'nata siagang kicini' ilalang tinrota karaeng.

DANIEL 2:30

Anne rahasiaya le'ba'mi nipakasingara' mae ri atanta mingka teai lanri anne atanta la'bi cara'dekangngangi natau maraenga, passangalinna akkulle kiasseng battuanna anjo so'nata karaeng, siagang niasseng todong bone atinta karaeng.

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

AMOS 3:13

Nakana Batara Kaminang Makoasaya siagang Kaminang Tinggia, “Parhatikangi kamma-kamma anne, siagang pakaingaki jari-jarina Yakub.

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

AMOS 5:8

Batara ampareki sikamma bintoenga ri langika – bintoeng Belanti' siagang bintoeng Kartika. Napinrai sassanga a'jari singara' siagang alloa a'jari bangngi; je'ne' battu ri tamparanga Natumpai nai' ri bontoa. Anggaukanga ngasengi anjo sikammaya iamintu Batara arenNa.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

AMOS 8:9

Lanarapiki wattunna naKupalabu alloa ri tangnga alloa siagang a'jari sassangi linoa ri wattu alloa. INakke, Batara Kaminang Tinggia, anne akkana.

AMOS 9:6

Nabangungi Balla'Na Batara bella nai' ri allaka, irateanna buttaya Natannangi langika salaku pa'rangka', siagang je'ne' battua ri tamparang Natumpai nai' ri bontoa, Ia anggaukanga kabusuki anjo sikammaya iamintu Batara arenNa.

MIKHA 1:3

Naungi battu ri pammantangngang matangkasa'Na Na'jappa irate ri coppo'-coppo' buluka ri buttaya.

HABAKUK 3:19

Kisarea' kagassingang rapang bangkeng jonga Kikassaki bangkengku. Kirurunganga' sollangku amang ri wattu a'jappaku ri pa'monconganga.

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

MATIUS 9:4

Na anjo nawa-nawanna ke'nanga Naassengi Isa. Jari Nakanamo Isa ri ke'nanga, “Angngapa naja'dala' kamma batenu ngaseng appikkiri'?

YOHANES 2:25

Tena naparallu nipauang ri passala'na massing rupataua, lanri Naassenna ngaseng apa niaka lalang ri atinna rupataua.

YOHANES 3:8

Mammiriki anginga mange ri nakaerokia; nilangngereki sa'ranna, mingka taniassengai nakabattuia siagang lanatujua. Kamma tomminjo tau nilassukang poleanga ri RohNa Allata'ala.”

PAOLE 32:13

BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”