AMOS 3:8 - KITTA' MATANGKASA'

⁸ Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?

AMOS 3:8 ပူးပေါင်းရင်းမြစ်များ

YESAYA 21:10

He bansaku Israel! Le'ba' mako nilissarrang siagang nionjo'-onjokang rapang lisere'-lisere' gandung. Kamma-kamma anne kupabattuangko kabara' baji', ia kulangngereka battu ri Batara Kaminang Makoasaya, Allata'alana Israel.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

YEREMIA 20:9

Mingka punna lalang atingku kukana, “Boli'mi kamma kukaluppai Batara, teama' a'bicara lalang arenNa,” rapammi pepe' pasanNa a'bara ilalang ri ati mailalangku. Le'baki kucoba amparrangngi, mingka ma'nassa tena nakukullei.

YEREMIA 26:12

Nampa kukanamo, “Batara assuroa' ampabattui pasang ambaliangi Balla'Na Batara siagang anne kotaya sangkamma le'baka ngaseng nulangngere'.

YEHEZKIEL 29:21

Punna kajariang anjo passalaka, laKupa'jari Israel bansa kassa', siagang akkulle mako ikau Yehezkiel, laluasa a'bicara, sa'genna sikontu taua akkulle mako napilangngeri. Jari naassemmi ke'nanga angkanaya iNakkemi Batara.”

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”

AMOS 2:12

Mingka nusarei anjo Pangawasaka angnginung anggoro', sa'genna takkaluppa ke'nanga ri janjinna. Siagang ikau ngaseng nupisangkai na'bi-na'bia ampabattui pasangKu.

AMOS 3:4

Maka lammammuki singaya ri romanga, punna tena nanggappa kanre? Maka lammammuki ana' singaya battu ri leanna punna tenapa apa-apa nagappa?

LAMPA-LAMPANA 4:20

Nasaba' takkulleai ammari ikambe ambicarai anjo apa le'baka nacini' siagang nalangngere' ikambe.”

LAMPA-LAMPANA 5:20

“A'lampako mange ammenteng ri Balla'Na Batara siagang pauang ngasemmi taua passala'na anne katallassang berua.”

LAMPA-LAMPANA 5:29

Appialimi Petrus siagang agang-aganna, angkana, “Musti ero'Na Allata'ala naturuki ikambe, teai ero'na rupataua.

1 KORINTUS 9:16

Nasaba' takkullea' ampakatinggi pa'maikku punna passabakkang iaja anjo kubirittakanna Kabara' Baji' battua ri Allata'ala; nasaba' Allata'ala assuroa' anggaukangi anjo jama-jamanga. Cilakama' kusa'ring punna tena nakubirittakangi anjo Kabara' Bajika!

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”