AMOS 3:13 - KITTA' MATANGKASA'

¹³ Nakana Batara Kaminang Makoasaya siagang Kaminang Tinggia, “Parhatikangi kamma-kamma anne, siagang pakaingaki jari-jarina Yakub.

AMOS 3:13 ပူးပေါင်းရင်းမြစ်များ

2 KARAENG-KARAENG 17:13

Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

2 KARAENG-KARAENG 17:15

Taerokai tu Israel siagang tu Yehuda anturuki parenta-parentaNa Batara siagang tena namajarre' ri parjanjiang le'baka napare' siagang boe-boena ke'nanga. Tena najampangi sikamma pappakainga'Na, passangalinna anynyombai ke'nanga mae ri barhala-barhala tenaya matu-matunna, sa'genna manna kalenna ke'nanga tena tommo matu-matunna. Naturuki ke'nanga panggaukanna bansa-bansa niaka ri ampi'na ke'nanga, manna pole nale'ba'mo nipisangkai ke'nanga ri Batara.

2 PATTOTTORANG 24:19

Assuromi Batara na'bi-na'bi untu' ampakaingaki ke'nanga sollanna ammotere' anynyomba mae ri Batara; mingka taerokai ra'yaka mappilangngeri.

YESAYA 1:24

Lanri kammana anjo Nakanamo Batara Kaminang Koasaya, Allata'alana Israel: “He, musu-musungKu, la'balasakA' mae ri kau, sa'genna tenamo nanususaiA' pole.

YEHEZKIEL 2:7

Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

AMOS 3:14

Ri allo Kuhukkunna tu Israel lanri dosana, laKuputtai tampa'-tampa' pakkoro'bangnganga ri Betel. Tunggala' tampa' pakkoro'bangnganga lanitepoki cappa'-cappa'na sa'genna tu'guru' naung ri buttaya.

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

LAMPA-LAMPANA 20:21

Baji' namae ri tu Yahudia, yareka mae ri bansa-bansa maraenga, tuli kupakainga' ngasemmi sollanna massing toba', battu ri dosa-dosana ke'nanga nabattu mae ri Allata'ala siagang tappa' mae ri Isa.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

PAOLE 8:19

Teako takkaluppai ri Karaeng Allata'alanu siagang teako ta'gilingi mae ri rewata-rewata maraenga untu' anynyomba siagang ampakalompoi ke'nanga. Anne alloa kupakaingakko angkanaya punna tena tanugaukanna tonja kammaya, ma'nassa tena todong tanipanrakkinnu ri Batara.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

YOSUA 22:22

“Kaminang Makoasaya iamintu Batara! Kaminang Makoasaya iamintu Batara! Naassengi angkanaya apa saba'na nanagaukang ikambe anne passalaka, siagang ero' tongi ikambe sollanna nuasseng tongi anne passalaka. Ebara' angkana nagaukangi ikambe anne kammaya lanri ero'na ikambe angngewai Batara, yareka lanri tenanamo natappa' ikambe mae ri Ia, boli'mi kamma namate memang ikambe kamma-kamma anne!