AMOS 2:4 - KITTA' MATANGKASA'

⁴ Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.

AMOS 2:4 ပူးပေါင်းရင်းမြစ်များ

2 KARAENG-KARAENG 17:19

Manna tu Yehuda tena todong namannuruki ri hukkung-hukkunNa Batara, Allata'alana ke'nanga. Naturuki ke'nanga kabiasanna tu Israel,

2 PATTOTTORANG 25:14

Le'baki nabeta tantara Edom, ammotere'mi Amazia angngerang patung-patung barhalana tu Edom nampa naboli' ri Yehuda. Nampa attunu dupa untu' anjo patung-patunga siagang anynyomba ri anjo patung-patunga.

2 PATTOTTORANG 30:7

Teako sangkammai boe-boenu siagang tu Israel maraenga tenaya namajarre' tappa'na mae ri Karaeng Allata'alana ke'nanga. Nucini'mi kalennu antekamma battala'na hukkungang Napabattua Karaeng Allata'ala mae ri ke'nanga.

NEHEMIA 1:7

Dorakami ikambe mae ri Katte siagang nidakkaimi sikamma parentaTa. Tamannurukiai ikambe ri hukkung-hukkung le'baka Kipassareang ri kambe tete ri Musa, anjo atanTa.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YEREMIA 16:11

Pauangi ke'nanga angkanaya kammai anne kanangKu, ‘Le'ba'Ma' nabokoi boe-boenu untu' a'lampa mange anynyomba siagang assambayang ri rewata-rewata maraenga. Nabalang parekangA' siagang taerokai ke'nanga mannuruki ri paratorang-paratorangKu.

YEREMIA 16:12

Mingka ikau la'bi ja'dallangngangi pole apa nugaukanga. Kapala batuko siagang ero' kalennu bawang ja'dalaka nuturukiang. Taerokako mannuruki ri Nakke.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?

YEREMIA 9:14

Kapala batui ke'nanga siagang anynyombai ri barhala-barhala Baal sangkamma napangngajarranga boe-boena mae ri ke'nanga.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

YEHEZKIEL 20:16

Kuancang kammai anjo ke'nanga lanri nabalang parekangi ke'nanga parenta-parentaKu, nadakkai hukkung-hukkungKu siagang nara'massi allo Pammari-marianga. Nangaiangngangi ke'nanga anynyombaya ri barhala-barhalana ke'nanga.

YEHEZKIEL 20:18

Kabalekanna sikamma tau rungka-rungkaya ri tangnga-tangngana ke'nanga, Kupakaingaki kamma anne, ‘Teako turuki paratorang-paratorang napareka boe-boenu. Teako palembai kabiasanna ke'nanga siagang tea tongko ra'massi kalennu lanri anynyombako ri barhala-barhalana ke'nanga.

YEHEZKIEL 20:24

lanri nabalang parekanna ke'nanga parenta-parentaKu, nadakkai hukkung-hukkungKu, nara'massi allo Pammari-marianga, siagang tuli anynyombana ke'nanga ri rewata-rewata nasombaya boe-boena ke'nanga.

YEHEZKIEL 20:30

Jari pabattui mae ri tu Israel apa anne Kupaua, iNakke, Batara Kaminang Tinggia, mae ri ke'nanga. ‘Angngapa nanugaukang dosa-dosa kammaya le'baka nagaukang boe-boenu? Sangkamma ke'nanga, nupinawang tongi anjo barhala-barhala appakaringika.

YEHEZKIEL 22:28

Sikamma na'bia nacokkoi anjo dosa-dosaya; rapangi ke'nanga tau appa'leoki tembo' ra'masa'. Paccini'-paccini'na ke'nanga sangnging tena nakontutojeng; kammayatompa sikamma botona ke'nanga sangnging balle-balle. Naani ke'nanga angkanaya anjo pasang napabattua ke'nanga iamintu pasang natarima battu ri Batara Kaminang Tinggia, padahala' tena sikali-kali Kule'ba' a'bicara mae ri ke'nanga.

YEHEZKIEL 22:8

Tampa'-tampa' ibadaya mae ri Nakke nura'massi siagang tena nanujampangi allo Pammari-marianga.

HOSEA 12:2

Sikontu apa-apa nagaukanga bansa Israel battu ri bari'basa' sa'genna bangngi tena ngaseng matu-matunna siagang poro angngerangi kapanrakang, sanrapang anging battu iraya. Kajekkonganna siagang kapallakkanna ke'nanga pila' katambangi. Appareki ke'nanga parjanjiang-parjanjiang siagang Asyur, kammayatompa angngerangi minynya' mange ri Mesir salaku tanra passari'battangang.”

HOSEA 12:3

Nia' parkaraNa Batara siagang bansa Yehuda; kammayatompa laNahukkung tongi tu Israel lanri gau'-gau'na ke'nanga. LaNabalasaki panggaukanna ke'nanga.

HOSEA 6:11

Ri sesena ikau, he tu Yehuda, le'ba'mi Kupattantu wattunnu untu' laKuhukkung todong lanri panggaukannu.”

AMOS 1:3

Nakana Batara, “Pandudu'na Damsyik a'mole-molemi doraka, lanri kammana anjo ma'nassa laKuhukkungi ke'nanga. Sanna' palla'na panggaukanna ke'nanga mae ri tu Gilead,

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

MIKHA 6:12

Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.

HABAKUK 2:18

Nitunraiko ikau! Nukana mae ri kayu sipolonga, “Ambangnungko!” yareka mae ri batu lompoa angkana, “Ammentengko!” Maka akkullei se'rea patung a'bicara mae ri kau? Nakulle anjo patunga nilapisiki bulaeng siagang pera', mingka tena nyawa ri ia. Apa matu-matunna patung barhalaya? Anjo poro bate pare'na rupataua. Apa nugappaya battu ri ia poro balle-balle bawang. Tena bua'-bua'na katappakkanna papare' barhalaya mae ri bate pare' limanna, tenaya nakkulle appau.

ROMA 1:25

Nasambei Allata'ala kontutojenga siagang anu takontutojenga. Teai Allata'ala appa'niaka nasomba siagang nalayani ke'nanga, passangalinna apa-apa nipa'niaka. Padahala' iaji anjo appa'niaka musti nipuji satunggu-tungguna! Aming.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.