AMOS 1:14 - KITTA' MATANGKASA'

¹⁴ Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

AMOS 1:14 ပူးပေါင်းရင်းမြစ်များ

2 SAMUEL 11:1

Biasana wattu accu'la'na leko'-leko' kayua namaju sikamma karaenga a'bundu'. Na ri wattu accu'la'na leko'-leko' kayua anjo taunga nasuromi Daud anjo Yoab maju a'bundu' siagang ngaseng sikamma perwiraya siagang sikontu tantara Israel; nampa nabetamo ke'nanga tu Amon siagang nakurummi kota Raba. Mingka Daud ammantangi ri Yerusalem.

2 SAMUEL 12:26

Lalanna anjo wattua a'bundu' iji Yoab assiewa kota Raba, iamintu ibukotana Amon, siagang a'birimmi naalle anjo kotaya.

2 SAMUEL 12:31

Pantaranganna anjo nierammi pandudu'na, siagang nisuroi angngerang garagaji, bingkung bassi, pangkulu' bassi, nampa nipajama ke'nanga ri tampa' papparekang batu bataya. Kamma tomminjo nagaukang mae ri pandudu'na kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

1 PATTOTTORANG 20:1

Ri wattu ribokoanganna, iamintu ri wattu biasana a'lampa karaenga a'bundu', napagio'mi tantarana Yoab mange a'bundu' nampa narampasa' pa'rasangang Amon. Anjo wattua ammantanji Daud ri Yerusalem, siagang tamminawangai. Yoab siagang tantarana nakurummi kota Raba, nampa nabunduki siagang naancuru' anjo kotaya.

AYUB 39:25

Akkassumi punna assa'ra tarompeka battu bellai naara' rasanna pa'bundukanga. Nalangngereki sa'ra lompona sikamma perwiraya ri wattunna assare parenta ke'nanga.

PAMMUJI 83:15

Sanrapang pepe' angkanreai romanga, rinra pepe' ampamutungai moncong-monconga.

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YESAYA 9:5

Nia' sitau ana' lassu' untu' ikatte; nisareki' sitau ana' bura'ne. Ia la'jari pamimpinta. Laniarengi: “Tumappakainga' Cara'de'”, “Allata'ala Pore”, “Mangge Mannannungang”, “Karaeng Passiamakkang”.

YEREMIA 23:19

LarroNa Batara rapangi anging barubu a'jalloka siagang antujui sikamma tau ja'dalaka.

YEREMIA 49:2

Mingka lanarapiki sallang wattunna nalaKupilangngeriang pandudu'na Raba, ibukotana anjo Amon, iamintu sa'ra-sa'ra pakkio' pa'bundukang. Anjo kotaya la'jari rumbangngangi siagang desa-desa niaka ri tammulilina lala'busuki nakanre pepe'. Nampa Israel lanaallei ammotere' buttana battu ri tau le'baka riolo angngalle passai.

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

YEHEZKIEL 21:25

Nampa mae ri karaeng Israel Kukana, ‘He karaeng ja'dalaka siagang dorakaya! A'reppese'mi wattu hukkungannu kala'busanga.

YEHEZKIEL 25:5

Kota Raba la'jari tampa' pakkalawakiang unta, siagang sikontu pa'rasangang Amon la'jari tampa' pakkalawakiang gimbala'. Jari nuassemmi angkanaya iNakkemi Batara.’ ”

YEHEZKIEL 25:7

Lanri kammana anjo laKupassareangko mae ri jaia bansa, ia langngellaki siagang anrampasaki apa-apannu. LaKupanrakiko, sa'gennu takkulleamo a'jari se're bansa, siagang tena tommo pa'rasangang kalennu. Nampa nuassemmo angkanaya iNakkemi Batara.”

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

AMOS 2:2

Lanri kammana anjo, lakkiringA' pepe' mange ri pa'rasangang Moab, siagang Kutunu sa'genna cappu' sikamma pattahanganna Keriot. Lamatei tu Moab ri tangnga-tangnga karicuanna pa'bundukanga, iamintu lalang nipasa'rana tarompeka siagang nipakkiokanna pakkio' pa'bundukanga.

ZAKHARIA 7:14

Sanrapang anging barubu, Kubarrasaki ke'nanga sa'genna tarpassa ammantang ri sikamma pa'rasangang-pa'rasangang maraenga. Anne butta copponga a'jari sino sikalimi, tena sikali tau ammantang, siagang roso'mi buttana.”

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)