AMOS 1:11 - KITTA' MATANGKASA'

¹¹ Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

AMOS 1:11 ပူးပေါင်းရင်းမြစ်များ

2 PATTOTTORANG 20:10

Kamma-kamma anne niaki bansa Amon, Moab, siagang Edom battu ambunduki ikambe. Ri wattunna battu ri Mesir boe-boena ikambe mae anrinni, tena Kipa'biangi ke'nanga angngempoi pa'rasanganna anjo bansa-bansaya. Jari a'lampami boe-boena ikambe angngalle oloang maraeng akkuliling siagang tena naKiancuruki bansa Amon, Moab siagang Edom.

2 PATTOTTORANG 20:11

Kamma-kamma anne, kammami anne panggaukanna anjo bansa-bansaya mae ri kambe. Eroki ke'nanga ambongkai ikambe battu ri anne pa'rasangang Kipassareanga mae ri kambe.

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

PAMMUJI 85:5

Kipakabajiki ammotere' ikambe, o, Allata'ala Tumappasalama'na ikambe, tea' maKi' kalarroi pole ikambe.

KATO'BA 7:9

Teako linta' dudu larro; tau toloaji bawang ammoli' larro.

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

HOSEA 8:3

mingka taerokai ke'nanga antarimai apa bajika. Lanri kammana anjo nalaniondammo ke'nanga ri musu-musunna ke'nanga.

YO"EL 3:19

Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

ZAKHARIA 1:15

Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

MALEAKHI 1:2

Nakana Batara mae ri umma'Na, “MangngamaseangA' mae ri kau ngaseng.” Mingka appiali ke'nanga angkana, “Antekamma bateTa angkamaseangi ikambe Batara?” Appiali Batara angkana, “Sai anjo Esau daenna Yakub? Mingka Yakub Kukamaseang,

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

EFESUS 5:1

Ikau ana'-ana'Na ngasengko Allata'ala, sannaka Nakarimangnginna; lanri kammana, paralluko mannuruki ri Allata'ala.

PAOLE 23:7

Teako cini' tunai tu Edom, lanri anjo ke'nanga sari'battannu. Tea tongko cini' tunai tu Mesir, lanri le'bakko ammantang ri pa'rasanganna ke'nanga.