3 YOHANES 1:10 - KITTA' MATANGKASA'

¹⁰ Punna battua' sallang, eroki kubicara anjo passala' apa-apa le'baka nagaukang iamintu kaja'dallanga siagang bicara balle-ballea, ia le'baka nacarita ri sesena ikambe! Mingka tagannakapi anjo sikammaya mae ri ia. Ri wattunna battu anjo aganta ngaseng paranta tu Karisteng, taerokai antarimai ke'nanga. Ba'lalo napisangkai tau eroka antarimai ke'nanga, siagang nasuroi ke'nanga assulu' battu ri jama'aka!

3 YOHANES 1:10 ပူးပေါင်းရင်းမြစ်များ

PANGNGEBARANG 10:10

Inai ancokkoi katojenganga, appaumbai kasusaang; inai akkana lambusu' ancallai kodia, angngusahai kasalewangang.

PANGNGEBARANG 10:8

Tau cara'deka, nangai annarima pappasaile; tau dongoka ri bicaranna lalingui.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

LUKAS 6:22

Mate'ne ngasengko punna nikabirisiko, punna nisorongbokoko, punna nihinako, siagang nipitinako passabakkang Ana' Ma'rupataua!

YOHANES 9:22

Nakkana kamma anjo anrong-manggena, lanri malla'na ke'nanga ri pamarentana tu Yahudia; nasaba' le'ba'mi assamaturu' ke'nanga, angkanaya inai-nai angngakui Isa angkana Iami Karaeng Mappasalama', takkulleai antama' ri balla' sambayanga.

LAMPA-LAMPANA 1:15

Ri se'reang allo, ri wattunna a'rappungang ke'nanga – nia' kira-kira sibilangngang ruampulo jaina tau hadere' – ammentemmi Petrus a'bicara. Nakana,

2 KORINTUS 13:2

Sikamma tau le'baka a'gau' dosa ri wattu allaloa, le'ba'mi kupakainga' pirangalloang, ri wattungku makapinruang battu angkunjungiko. Kamma-kamma anne, ri wattu sikabellainta, kupakainga' poleang mako angkanaya punna battua' pole sallang, tena manna sitau ri ke'nanga lata'lappasa' battu ri hukkunganga.

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

1 TIMOTIUS 5:13

Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

2 YOHANES 1:10

Lanri kammana, punna nia' tau battu siagang nabirittakang mae ri kau pangngajarang tenaya Napangngajarrangi Almasi, teako tarimai anjo taua antama' ri balla'nu; tea tongko a'barisallangi mae ri ia angkana “Salamakko.”

2 YOHANES 1:12

Jai sikali parallu lakupau mae ri kau ngaseng, mingka bajikangangi punna tena nakupalalangi ri suraka. Kuminasai nakuakkulle battu angkunjungiko siagang kalengku a'bicara mae ri kau ngaseng, sollanna akkulle rannu tojeng-tojeng atinta.

3 YOHANES 1:3

Sanna' rannuna pa'maikku ri wattunna nia' siapa are paranta tu Karisteng battu na napabattu antekamma tamamminranu mae ri Allata'ala matojenga; nasaba' memang tuli attallasa' mako situru' ero'na anjo birittaya.

3 YOHANES 1:5

Sari'battangku! Sanna' tamamminranu lalang jama-jamang nugaukanga mae ri paranta tu Karisteng; ba'lalo manna tau tenayapa nuassengi, nulayani tongi.