2 YOHANES 1:8 - KITTA' MATANGKASA'

⁸ Lanri kammana, jagai gassingka niakko ampelaki anjo apa le'baka nausahakang ikambe untu' ikau ngaseng. Usahako sollanna nutarima ngaseng sawala'nu.

2 YOHANES 1:8 ပူးပေါင်းရင်းမြစ်များ

DANIEL 12:3

Sikamma pamimping cara'deka laccayai sangkamma cayana langika. Siagang sikamma tau le'baka angngajara' tau jai untu' anggaukangi apa bajika siagang adeleka, laccayai sangkamma bintoenga untu' satunggu-tungguna.”

MATIUS 24:4

Appialimi Isa Nakana, “Tutu laloko, sollanna tena nanitipuko.

MARKUS 13:23

Jari tutu laloko! Kupauangko anne la'bi riolo ri tenanapa nakajariang yangasenna anjo passalaka.”

MARKUS 13:9

Paralluko tutu, nasaba' lanijakkalakko siagang lanire'resangko mange ri pangadelang agamaya. Laniba'jiko lalang ri balla' sambayanga. Lanierangko mange ri dallekanna tau koasaya siagang kara'-karaenga, passabakkang amminawangko ri Nakke. Na iaminjo la'jari kasampatang ri kau untu' la'jari sa'bingKu mae ri ke'nanga.

LUKAS 19:19

Nakanamo anjo karaenga ri anjo palayanga, ‘Lakupa'jariko tau koasa ammarenta lima kota.’

LUKAS 21:8

Nakanamo Isa, “Tutu laloko, gassingka nitipuko. Nasaba' lajai tau battu ampakei arengKu, angkana, ‘Inakke minne!’ Siagang nakana, ‘Narapi'mi wattunna.’ Mingka teako turuki ke'nanga.

YOHANES 4:36

Appakkaramulami natarima gajina tau akkattoa siagang appasse're wassele' untu' katallassang satunggu-tunggua. Jari tau appakioroka siagang tau akkattoa akkullei sipa'rannu-rannuang.

1 KORINTUS 15:8

Kala'busanna Napappicinikang tommi KalenNa mae ri inakke – inakke sanrapanga' ana' lolo tenayapa narapiki bulanna nanilassukang!

1 KORINTUS 3:14

Punna parrang ri pepe' anjo bangunang nibangunga irateanna anjo pondasia, lannarimami hadia anjo tau ambangunga.

1 KORINTUS 3:8

anjo ruaya sangkammai. Massing lanatarimai pahalana situru' pakkaresoanna.

GALATIA 3:4

Maka tena matu-matunna anjo apa le'baka nutarima? Tena na sia-sia!

GALATIA 4:11

Bata-batai nyawaku, gassingka la'jari sia-siaji posoku mae ri kau.

FILIPI 3:16

Mingka anne passalaka parallui nuparhatikang, iamintu: Paralluki' tuli anturuki lalang ri tallasatta anjo paratorang le'baka nipinawang sa'genna kamma-kamma anne.

IBRANI 10:32

U'rangi antekamma lampa-lampana katallassannu ngaseng ri wattu allaloa. Anjo wattua, ri wattunnu Nasiori cayaNa Allata'ala, teai sipato' jaina pa'risi'nu; mingka tuli majarrekko attahang siagang akkareso.

IBRANI 10:35

Lanri kammana, teako tappu' panrannuangngi. Nasaba' punna jarre' tappa'nu, nia' pahala lompo untu' ikau!

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

PAPPICINI' 3:11

LalintakKa' battu! Jagai baji'-baji' apa niaka ri kau ngaseng, sollanna tena tau maraeng akkulle angngalleangko anjo hadia nubetaya.