2 TIMOTIUS 4:3 - KITTA' MATANGKASA'

³ Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.

2 TIMOTIUS 4:3 ပူးပေါင်းရင်းမြစ်များ

1 KARAENG-KARAENG 18:22

Nampa nakanamo pole Elia, “Battu ri sikamma na'bi-na'biNa Batara, inakke mami tassesa, padahala' anrinni nia' 450 na'bi Baal.

1 KARAENG-KARAENG 22:18

Nampa nakana Ahab ri Yosafat, “Sai annabai kanangku? Tena le'bakai natappuanga' apa-apa baji'. Tuli kodiaji bawang!”

1 KARAENG-KARAENG 22:8

Appialimi Ahab angkana, “Nia' ija se're, Mikha ana'na Yimla. Mingka birisika' ri ia, nasaba' tena le'bakai natappuanga' apa-apa baji'; tuli apa kodia.” Appialimi Yosafat angkana, “Teako akkana kammai!”

KALAPPASSANG 32:33

Appialimi Batara angkana, “Tau dorakayaji bawang mae ri Nakke laKulu'lu' arenna battu ri anjo kittaka.

YESAYA 28:12

Napirarai ngasengko Batara tampa' pammari-mariang, mingka taerokako mappilangngeri ri Ia.

YESAYA 30:10

Nakana ke'nanga mae ri sikamma na'bia, “Tongkoki bawanu! Teako paui apa annabaya mae ri kambe, mingka ia apa eroka nalangngere' ikambe. Lappassammi ikambe tuli appikkiri' takamma-kamma.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 27:9

Teako pilangngeri na'bi-na'bia yareka manna pole inai ampisangkaiko tundu' mae ri karaeng Babel, manna pole nanakana kalenna le'baki annarima pitunju' battu ri so'na, roh-roh alusu', yareka lanri ammakei kagassingang pangngassengang.

YEREMIA 29:8

INakke Batara Kaminang Koasaya, Allata'alana Israel, ampakaingakko sollanna tena nupassareangi kalennu nitipu ri na'bi-na'bi niaka ammantang ri tangnga-tangnganu yareka ri nai-nai mamo nakanaya kalenna akkullei ke'nanga natappu apa lakajarianga ri allo labattua. Teako parhatikangngi so'na-so'nana ke'nanga.

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

LUKAS 20:19

Naassengi guru-guru agamaya siagang imang-imang kapalaya angkanaya kalenna ke'nanga Napitujui Isa anjo pangngebaranga. Jari ero'mi ke'nanga anjakkalaki Isa anjo wattua. Mingka mallaki ke'nanga ri anjo tau jaia.

LUKAS 6:26

Cilaka ngaseng mako, punna nipalece mako ri tau jaia; nasaba' kammatommi anjo batena boe-boena ke'nanga ampalecei na'bi-na'bi patipua ri jammang riolo.”

YOHANES 8:45

Mingka iNakke katojengang Kupau, na lanri kammana minjo natena nutappa' ri Nakke.

LAMPA-LAMPANA 17:21

Nasaba' anjo tau niaka ri Atena siagang sikamma tau niaka battu anjoreng, nangai ke'nanga ampakei wattu-wattu tanjamana a'rappungang ampilangngeri siagang ambicarai passala' apa-apa beru nalangngereka ke'nanga.)

1 KORINTUS 2:1

Sikamma sari'battangku! Ri wattungku battu mae ri kau, nakupabattu rancanaNa Allata'ala tenayapa naassengi anne linoa, teai kacara'dekanna anne linoa kupake, yareka teai bicara ta'liwa'-liwaka baji'na nilangngere'.

1 KORINTUS 2:4

Teai bicara sannaka baji'na nilangngere' lanri kacara'dekang ri rupataua kupake ampabattui anjo birittaya mae ri kau ngaseng. Mingka kammaminjo caraku ampabattui untu' ampa'butti angkanaya makoasai RohNa Allata'ala. Akkulle ngasemmi nucini' anjo passalaka.

GALATIA 4:16

Maka nucini' kammama' musu ri kamma-kammaya anne, lanri kupa'nassana apa tojenga mae ri kau?

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

2 TIMOTIUS 1:13

Attojeng-tojengko anturuki pangngajarang tojenga, ia le'baka kupassareang mae ri kau. Siagang paralluko tuli anna'gala' ri katappakkanta siagang ri pangngamaseanta lanri asse'reta siagang Isa Almasi.

YUDAS 1:18

Napauang ngaseng mako la'bi riolo angkanaya punna a'reppese'mo Allo Kiamaka, lammumbami tau ancau-cauako, iamintu sikamma tau anturukiai ero' kaja'dallanna lalang ri katallassanna.