2 TIMOTIUS 4:20 - KITTA' MATANGKASA'

²⁰ Erastus ammantangi ri Korintus, siagang Trofimus kuboliki ri Miletus nasaba' garringi.

2 TIMOTIUS 4:20 ပူးပေါင်းရင်းမြစ်များ

LAMPA-LAMPANA 18:1

Le'baki anjo a'lampami Paulus ambokoi Atena, namange ri Korintus.

LAMPA-LAMPANA 18:8

Mingka kapalana anjo balla' sambayanga, iamintu niarenga Krispus siagang sikontu tau niaka ri balla'na, a'jari tappa'mi ri Batara Isa. Siagang pole jai tommi tu Korintus maraenganga allangngereki anjo kabara' napabattua Paulus, na'jari tappa' mae ri Isa nampa nije'ne' ke'nanga.

LAMPA-LAMPANA 19:22

Jari nasuromi rua pambantuna, iamintu Timotius siagang Erastus, a'jappa riolo mange ri Makedonia. Na ia ammantangiji siapa are sallona ri daera Asia.

LAMPA-LAMPANA 20:15

Battu anjoreng assombala' maki' pole, sa'genna ammukona battu maki' mange ri tampa' sidallekanga siagang Khios. Ammembara'na anrapi' maki' mange ri Samos. Nasiallo pole battu maki' mange ri Miletus.

LAMPA-LAMPANA 20:17

Battu ri Miletus, akkirimmi kabara' Paulus mae ri pamimping-pamimping jama'aka ri Efesus. Napasangi ke'nanga battu angngagangi assibuntulu' punna battu Paulus mange anjoreng.

LAMPA-LAMPANA 20:4

A'lampami siagang Sopater, ana'na Pirus battua ri Berea; nia' tommi amminawang Aristarkhus, Sekundus tu battu ri Tesalonika, siagang Gayus, tu Derbe. Kammayatompa Timotius, Tikhikus siagang Trofimus, battua ngaseng ri daera Asia.

LAMPA-LAMPANA 21:29

Kammaminjo kananna ke'nanga lanri nacini'mi Trofimus anjo tu Efesuska assiagang Paulus ri kotaya; na nakapammi ke'nanga angkanaya naerang tommi Paulus anjo taua antama' ri Balla'Na Batara.)

ROMA 16:23

Gayus, appikatu tongi sallang mae ri kau ngaseng. Anjorenga' ri balla'na ammantang, siagang anjoreng tommaki' ri balla'na assambayang. Erastus, kapala bendaharana kotaya appikatu tongi sallang mae ri kau ngaseng, kammayatompa Kwartus sari'battanta. [