2 TIMOTIUS 4:17 - KITTA' MATANGKASA'

¹⁷ Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

2 TIMOTIUS 4:17 ပူးပေါင်းရင်းမြစ်များ

PAMMUJI 109:31

Saba' Ia angngallei siagang ampasalamaki tu kasi-asia battu ri tau anghukkung mateai ke'nanga.

PAMMUJI 22:21

Kipakabellai pa'danga battu ri nyawaku, Kipasalamaka' battu ri pangngokko'na kongkonga.

PANGNGEBARANG 20:2

Larrona karaenga sanrapangi sa'ra arrunna singaya; tau ampakanassuai sangkammai nacilakai kalenna.

PANGNGEBARANG 28:15

Tau ja'dalaka ammarenta ri tau kakuranganga, sanrapangi singa ammarrunga sa'ranna yareka beruang a'bakkaya.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

DANIEL 6:22

Nampa kalangngerammo sa'ranna Daniel appiali angkana, “La'bui umuru'na karaengku satunggu-tungguna!

DANIEL 6:27

Kuparentakangi mae ri sikontu tau niaka ri daera kakaraengangku sollanna malla' siagang napakalompo Allata'ala nasombaya Daniel! Iami Allata'ala mattallasaka satunggu-tungguna, sa'genna kala'busang jammang ammarenta. Tena olona lapanra' kakaraenganNa. Tena la'busu'na kakoasanNa.

MATIUS 10:19

Na punna nierangko mange laniadeli, teako bata-batai ri passala' lanupaua yareka antekamma batenu la'bicara. Nasaba' punna narapi'mo wattunnu la'bicara tena tanipauannu apa siratanga lanupau.

LUKAS 1:1

Natarimai tu nipakala'birikku Teofilus, Iaji kupabattuangki' angkanaya, jaimi tau le'ba' ansusung bajiki siagang antulisiki sikamma apa le'baka kajariang ri tangnga-tangngata.

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

LAMPA-LAMPANA 23:11

Bangngi poleanna, nia'mi battu Batara Isa ri sa'rinna Paulus na Nakana, “Pakajarreki pa'mai'nu! Le'ba' mako a'jari sa'bingKu ri Yerusalem. Musti la'jari sa'bi tongko sallang ri Roma.”

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

ROMA 15:31

Pappala' doanganga' sollangku akkulle ta'lappasa' battu ri limanna tau tenaya natappa' ri pa'rasangang Yudea; kammayatompa sollanna akkulle kupajappa tugasakku ampabattui anjo sumbanganga mae ri Yerusalem, siagang natarima baji' ke'nanga siagang te'ne pa'mai'.

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

1 TIMOTIUS 1:12

Appala' sukkurukka' mae ri Batarata Isa Almasi. Iami le'ba' assarea' kagassingang untu' allayani mae ri Ia, siagang ampa'jaria' tau siratang anggaukangi anjo jama-jamanga.

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

2 TIMOTIUS 3:11

Nucini'ma' nisessa siagang angkasiaki kapa'risanga. Nuasseng ngasengi apa kajarianga ri nakke ri kota Antiokhia, Ikonium, siagang Listra; siagang nuasseng ngasengi sikamma kasessang antujua'! Mingka Nalappassanga' Allata'ala battu ri yangasenna anjo kasessanga.

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

TITUS 1:3

Punna narapi'mo wattunna, laNapa'nyatami anjo janjinNa Allata'ala lalang pappasanNa mae ri linoa. Anjo pappasanNa Napappirannuammi mae ri nakke, siagang kubirittakammi anjo pappasanga situru' parentaNa Allata'ala Mappasalamatta.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”