2 TIMOTIUS 4:12 - KITTA' MATANGKASA'

¹² Kusuromi Tikhikus a'lampa mange ri Efesus.

2 TIMOTIUS 4:12 ပူးပေါင်းရင်းမြစ်များ

LAMPA-LAMPANA 18:19

Ri wattunna battu ke'nanga mange ri Efesus, nasuromi ammantang Priskila siagang Akwila, nampa antama' ri balla' sambayanga sipa'bicara siagang tu Yahudi niaka anjoreng.

LAMPA-LAMPANA 18:21

Mingka manna nakamma, ri wattunna la'lampa Paulus, nakanamo ri ke'nanga, “Punna nia' pangngellai battu ri Allata'ala, labattu poleanja' antu sallang mae anrinni.” Le'baki akkana kamma, a'lampami Paulus mange ri Efesus.

LAMPA-LAMPANA 19:1

Ri wattunna nia' Apolos ri Korintus, sitabang tongi a'lampa Paulus anjappai padalamanna anjo daeraya, sa'genna battu mange ri Efesus. Anjoreng, assibuntulu'mi siagang siapa are tau tappakamo ri Isa.

LAMPA-LAMPANA 20:25

Le'ba' ngaseng mako massing kukunjungi, siagang le'ba' ngaseng tommi kupabattu mae ri kau ri passala'na Allata'ala siagang PamarentahanNa. Kamma-kamma anne nia'mi ri pakkasiakku angkanaya iaminne kala'busangku assicini' siagang ikau ngaseng.

LAMPA-LAMPANA 20:4

A'lampami siagang Sopater, ana'na Pirus battua ri Berea; nia' tommi amminawang Aristarkhus, Sekundus tu battu ri Tesalonika, siagang Gayus, tu Derbe. Kammayatompa Timotius, Tikhikus siagang Trofimus, battua ngaseng ri daera Asia.

EFESUS 6:21

Sari'battantapa Tikhikus, iamintu palayang majarreka ri jama-jamanNa Batara, ampauangko sikontu passala'na batangkalengku; sollanna akkulle nuasseng antekammai jama-jamangku siagang batangkalengku.

EFESUS 6:22

Iaminjo saba'na nakusuro Tikhikus battu mae ri kau ampauang ngasengko antekamma katallassanna ikambe; sollanna na'jari lompo ngaseng pa'mai'nu.

KOLOSE 4:7

Tikhikus, sari'battang nikamaseanta, lampabattuang ngasengko sikontu kabara' battua ri batangkalengku. Iami majarre' anrurungangi ikambe anggaukangi jama-jamang mangea ri Batara.

1 TIMOTIUS 1:3

Kukellaiko sollannu ammantang ri Efesus. Anne le'ba' mako kupauang baji'-baji' ri wattungku mange ri daera Makedonia. Nasaba' nia' siapa are tau ri Efesus angngerang pangngajarang sala. Na parallu nupammari angngajara' sala anjo ke'nanga.

TITUS 3:12

Punna battumo Artemas yareka Tikhikus kusuro mae ri kau, akkaro-karo mako battu mae ri nakke ri Nikopolis, nasaba' erokka' ammantang anjoreng sa'genna le'ba' wattu dinginga.