2 TIMOTIUS 4:11 - KITTA' MATANGKASA'

¹¹ Lukas mami kuagang ammantang. Alle tongi Markus nanuerang mae anrinni, nasaba' akkullea' nabantu lalang ri jama-jamangku.

2 TIMOTIUS 4:11 ပူးပေါင်းရင်းမြစ်များ

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

MATIUS 19:30

Mingka jai tau ri dallekanga ri kamma-kammaya anne la'jari tau ri boko dudui sallang. Na tau ri boko dudua ri kamma-kammaya anne la'jari tau ri dallekang dudui sallang.”

MATIUS 20:16

Nampa Nakanamo pole Isa, “Kamma tomminjo, tau ri boko dudua la'jari ri dallekang dudui, na tau ri dallekanga la'jari ri boko dudui.”

LUKAS 13:30

Sikontutojenna, nia' tau ri boko dudu la'jari ri dallekang dudu, na nia' tau ri dallekang dudu la'jari ri boko dudu.”

LAMPA-LAMPANA 12:12

Naassennamo Petrus anjo passalaka, a'lampami Petrus mange ri balla'na Maria, amma'naya Yohanes, nigallaraka todong Markus. Anjoreng jai tau a'rappungang appala' doang.

LAMPA-LAMPANA 12:25

Le'ba'namo nagaukang jama-jamanna Barnabas siagang Saulus, a'lampami ke'nanga ambokoi Yerusalem. Naerang tommi ke'nanga Yohanes Markus.

LAMPA-LAMPANA 15:37

Eroki Barnabas angngerang tongi Yohanes Markus,

LAMPA-LAMPANA 15:39

Jari a'gea' lompomi Paulus siagang Barnabas sa'genna assisa'la'mo ke'nanga: A'lampami Barnabas siagang Markus, na assombala' mange ri Siprus.

LAMPA-LAMPANA 16:10

Ri le'ba'namo nabattui Paulus anjo pappiso'naya, sadia-sadia maki' ero' a'lampa mange ri daera Makedonia. Nasaba' tappa' maki' angkanaya Allata'ala assuroki' mange ambirittakangi Kabara' Bajika ri sikamma tau niaka anjoreng.

KOLOSE 4:10

Aristarkhus, niaka kuagang anrinni ri tarungkua, akkiringi sallang mae ri kau ngaseng. Kammayatompa Markus, sampu sikalinna Barnabas. (Le'ba' mako nisare kabara' sollanna nuruppai siagang nutarima bajiki punna battu mae ri kau.)

KOLOSE 4:14

Dottoro' Lukas, nikarimangngia, siagang Demas, akkiring tongi sallang mae ri kau ngaseng.

2 TIMOTIUS 1:15

Nuassemmi angkanaya nabokoi ngasemma' sikamma tau niaka ri daera Asia, kammayatompa Figelus siagang Hermogenes.

2 TIMOTIUS 2:21

Inai-nai antangkasi kalenna battu ri sikontu gau' tenaya nabaji' iami lanipake untu' gau'-gau' kaparalluang lompoa. Iami a'jari taunna siagang a'matu-matua mae ri karaenna. Iami nipasadia untu' lanipake ri jama-jamang bajika.

FILEMON 1:24

Tarima tommi sallanna agangku ngaseng iamintu: Markus, Aristarkhus, Demas siagang Lukas.

1 PETRUS 5:13

Sikamma paranta anggota jama'ah ri Babilon, nipilea todong ri Allata'ala, akkiringi sallang mae ri kau ngaseng. Kammayatompa anakku Markus, sannaka kukarimangnginna, akkiring tongi sallang.