2 TIMOTIUS 3:6 - KITTA' MATANGKASA'

⁶ Nia'mo ke'nanga antama' cokko-cokko ri balla'na taua, nampa nanyonyo' baine-baine lammaya, sannaka jaina dosana siagang nikoasaia ri sangka' rupa kacinnang.

2 TIMOTIUS 3:6 ပူးပေါင်းရင်းမြစ်များ

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MATIUS 23:14

Cilaka ngaseng mako ikau guru-guru agamaya siagang tu Farisia lanri nungaina assara-saraia. Nutipui janda-jandaya, nanualleang balla'na. Nalanri ero'na nucokkoi kaja'dallannu, nula'bu-la'buimi punna assambayangko. Lanri kammana minjo nabattala' sikali sallang hukkungannu!]

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MARKUS 4:19

mingka ranggaselai ri passala'na katallassanna ke'nanga, kammayatompa ero' dudui kalumanynyang. A'rupa-rupami apa-apa nakacinnai antama' ri atinna ke'nanga. Lanri nibetami anjo kabara' battua ri Allata'ala lalang ri atinna ke'nanga, takkulleami a'rappo.

1 KORINTUS 12:2

U'rangi angkanaya ri wattunna tenapa nutappa' mae ri Batara, amminawangko anynyomba mae ri barhala pepea.

1 TIMOTIUS 5:6

Mingka ia janda nangaia assannang-sannang lalang ri katallassanna, sikontutojenna matemi manna pole nattallasa' ija nicini'.

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

2 PETRUS 3:17

Mingka ikau sikamma sari'battangku sannaka kukamaseanna, nuasseng ngasemmi anne passalaka. Lanri kammana, tutu laloko, gassingka katuru'-turukangko mae ri kalinguanna anjo tau tenaya naassengi atoranga sa'gennu tu'guru' battu ri pammantangang amanga.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

YUDAS 1:18

Napauang ngaseng mako la'bi riolo angkanaya punna a'reppese'mo Allo Kiamaka, lammumbami tau ancau-cauako, iamintu sikamma tau anturukiai ero' kaja'dallanna lalang ri katallassanna.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.