2 TIMOTIUS 3:3 - KITTA' MATANGKASA'

³ Tena pangngarimangnginna siagang pangngamaseanna ke'nanga, tanangaiyai ampammopporangi paranna tau, nangai nabotto'-bottoki arenna paranna tau, nangai ammassa ri paranna tau, pallaki, siagang birisiki mae ri kabajikanga.

2 TIMOTIUS 3:3 ပူးပေါင်းရင်းမြစ်များ

PA'JARIANG 49:7

Nitunrai kalarroanna ke'nanga, lanri sarrinna. Nitunrai kasekkekanna ke'nanga, lanri palla'na. Lakupasisa'la'-sa'laki ke'nanga ri sikontu Israel. Lakupasiaraki ke'nanga ri alla'na sikontu bansaya.

PAMMUJI 15:4

ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

DANIEL 8:23

Punna lanarapi' kala'busanna anjo sikamma kakaraenganga, iamintu punna narapi'mi coppo'na kaja'dallanga, nia'mo sitau karaeng kapala batu lammumba, siagang cara'deka annipu.

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

MATIUS 4:1

Le'baki anjo, nierammi Isa ri RohNa Allata'ala mange ri parang lompoa, sollanna niso'ri ri billisika.

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

LUKAS 16:14

Nalangngere' ngasengi tu Farisia sikamma Napaua Isa. Nikakkalimi Isa ri ke'nanga, lanri nangaina ke'nanga doeka.

YOHANES 6:70

Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”

ROMA 1:29

Sangnging kaja'dallang mami lalang ri atinna ke'nanga, sangnging apa tenaya nannaba; sangnging kangoang, kabottokang siagang sereati; sangnging eroka ammuno, assiba'ji, annipu, siagang sentimeng. Nangai ke'nanga nabicara paranna tau,

ROMA 1:31

taerokai ke'nanga ampahangi tau maraenga; tajarrekai ke'nanga ri janjinna siagang sanna' palla'na.

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

1 KORINTUS 7:9

Mingka punna tanukulleai amparrangngi napasunu, bajikangang a'buntingko. Nasaba' bajikangangi punna a'buntingko kala sanna' dudua lompona hawa napasunu.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 TIMOTIUS 3:11

Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.

TITUS 1:8

Musti nangai annarimaya tau ri balla'na, nangai apa-apa kabajikanga, naassengi napakalewa kalenna, lambusuki, tangkasaki siagang ta'atoroki lalang ri katallassanna.

TITUS 2:3

Kammayatompa, parallu tongi nupakainga' tau toa bainea sollanna matangkasa' ke'nanga ri panggaukanna sangkamma siratannaya ri katallassanna tau anynyombaya ri Allata'ala. Takkulleai napitina paranna tau, siagang takkulleai tu'guru' cinnana ke'nanga mae ri inung-inungang terasaka. Musti napangngajarrangi ke'nanga apa-apa bajika;

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!

2 PETRUS 2:14

Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

2 PETRUS 2:19

Najanjimi taua kabebasang anjo guru-guru takontutojenga, nakalenna ke'nanga nipare' ata iji ri kabiasang ampanrakiai rupataua; nasaba' inai-nai nibeta battu ri se'reang apa-apa, iami nipare' ata battu ri anjo ambetayai.

2 PETRUS 3:3

Uru-urua, musti nuassengi angkanaya ri allo-allo kala'busanga sallang, lania' ammumba sikamma tau nikoasaia katallassanna ri hawa napasu kalenna. Lanacau-cauko ke'nanga,

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

YUDAS 1:18

Napauang ngaseng mako la'bi riolo angkanaya punna a'reppese'mo Allo Kiamaka, lammumbami tau ancau-cauako, iamintu sikamma tau anturukiai ero' kaja'dallanna lalang ri katallassanna.

PAPPICINI' 13:15

Nipa'biammi anjo olo'-olo' makaruaya ansarei nyawa anjo patunga, sa'genna akkullemo a'bicara anjo patunga siagang nabuno sikamma tau tenaya naero' anynyomba mae ri ia.

PAPPICINI' 13:17

Tena manna sitau akkulle ammalli yareka a'balu' apa-apa punna tena anjo pammateia ri ia, iamintu areng kalenna anjo olo'-oloka, yareka lomoro' ampa'nassayai anjo arenga.

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.