2 TIMOTIUS 3:2 - KITTA' MATANGKASA'

² Massing kaparalluang kalenna mami lanaondang rupataua; massing angngondang dudui doe', tampoi siagang nangai a'bicara kosonga. Nangai ke'nanga nahina taua, naewai tau toana, tangngassengai appala' sukkuru', siagang nakabirisi nikanaya katallassang rohani.

2 TIMOTIUS 3:2 ပူးပေါင်းရင်းမြစ်များ

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

PAMMUJI 49:6

Tena kumalla' ri wattu kasukkarranga, ri wattungku nikatulung ri musu ja'dalaka.

PAMMUJI 52:1

Untu' pamimping pakelong. Kelong pangngajara'na Daud,

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

MATIUS 15:6

anjo tau kammaya tenamo nakkulle nikellai dudu ampakala'biriki tau toana. Jari lanri ada'-ada'na tu riolonu nanubalang parekang kana-kana Napangngajarranga Allata'ala.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 16:14

Nalangngere' ngasengi tu Farisia sikamma Napaua Isa. Nikakkalimi Isa ri ke'nanga, lanri nangaina ke'nanga doeka.

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

LAMPA-LAMPANA 5:36

Nasaba' riolo le'baki nia' tau niarenga Teudas, nakanaya kalenna tumalompo, sa'genna kira-kira nia' patambilangngang tau amminawang ri ia. Mingka mate nibunomi, siagang tassia'-siara'mi sikamma tau amminawanga ri ia, sa'genna lanynya' kale-kale anjo kumpulanna.

ROMA 11:18

Lanri kammana, teako cini' tunai anjo tau sanrapang le'baka nitoto sangkamma anjo tangke-tangkea. Musti nuu'rangi angkanaya ikau sanrapang poro tangke jako bawang. Nateai tangkea assarei kanre anjo akaka, passangalinna anjo akaka assarei kanre anjo tangkea.

2 KORINTUS 5:15

Matemi Almasi untu' sikontu rupataua, sollanna punna attallasa' rupataua, tenamo nauntu' kaparalluang kalenna bawang punna attallasa'; passangalinna untu' Almasi, iamintu le'baka mate siagang nipattallasa' poleanga ammotere' untu' kaparalluanna ke'nanga.

FILIPI 2:21

Ia maraenganga sangnging kaparalluang kalenna ngasenji naurusu'; teai kaparalluanNa Isa Almasi.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

1 TIMOTIUS 1:9

Tantu musti niu'rangi angkanaya teai untu' tau bajika nanipare' anjo hukkung-hukkunga, passangalinna untu' sikamma tau andakkayai hukkunga, tau bannaka, tau dorakaya, tau tenaya agamana, tau assipa' pakkalinoanga, tau ambunoai tau toana, yangasenna tau pabunoa,

1 TIMOTIUS 3:3

teai tau painung sa'genna nasa'ring, yareka teai tau nangaia assiba'ji. Mingka tunai ri kana-kananna siagang nangai assiamaka. Takkulleai angngondang dudu doe'.

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

1 TIMOTIUS 6:4

yangasenna anjo tau kammaya sangnging tau tampo, mingka tena apa-apa naasseng! Ia garrinna ke'nanga iamintu nangai a'gea'-geaka siagang a'besereka passabakkang bicara appamumbaya sereati, passisa'la-sa'lakkang, pitina, sibata-batai kodia,

2 TIMOTIUS 3:4

Nangai ke'nanga a'bali'ballang, tena nappikkiri' baji' siagang borroi. Lanangaiangangi ke'nanga kasannanganna linoa namannurukia ri Allata'ala.

YAKOBUS 2:8

Nugaukammi annabaya, punna nugaukang hukkung Kakaraengang niaka tattulisi' lalang ri Kittaka angkanaya, “Paralluko angkamaseangi parannu tau, sangkamma nukamaseanna batangkalennu.”

YAKOBUS 4:16

Mingka kamma-kamma anne a'jari tampo mako siagang lompomi bicarannu. Anjo bicara lompo kammaya sala ngasengi.

YAKOBUS 4:6

Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

2 PETRUS 2:12

Mingka anjo guru-guru takontutojenga, teai sipato'! Sanrapang mami ke'nanga olo'-olo' nianakkanga untu' lanijakkala' siagang lanibunoa bawang. Tappikkirai ke'nanga, passangalinna kaerokang nyawanaji naturukiang. Sa'genna napakkanaimo ke'nanga apa-apa tanapahanga siagang kana-kana pahinaya. Lanri kammana, laposso' tommi ke'nanga sanrapang olo'-olo' sekkeka, passabakkang panggaukanna tonji ke'nanga.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

PAPPICINI' 13:1

Nampa nia' kucini' sikayu olo'-olo' ammumba battu lalang ri tamparanga. Nia' sampulo tanru'na na tuju ulunna. Ri massing-massing tanru'na nia' songko' karaeng, kammayatompa ri massing ulunna nia' tattulisi' se're areng anghinayai Allata'ala.

PAPPICINI' 16:11

Nampa natunraimo ke'nanga Allata'ala ri suruga lanri pa'risi'na siagang lanri anjo lattanna ngaseng ke'nanga. Mingka tena tompa naero' toba' ke'nanga battu ri panggaukang ja'dala'na.

PAPPICINI' 16:21

Turummi bosi es lompoa, massing ta'limampuloa kilo battala'na tassilitere'; tu'guruki battu rate ri langika nanatuju ngaseng rupataua. Natunraimi ke'nanga Allata'ala passabakkang anjo bala bosi es sannaka heba'na.

PAPPICINI' 16:9

Ammutummi rupataua napakamma bambanna, sa'genna natunraimo arenNa Allata'ala, Makoasaya mae ri sikamma anjo balaya. Manna nakamma tena todong naero' toba' ke'nanga battu ri dosa-dosana siagang tena naero' ke'nanga ammuji ri kalompoanNa Allata'ala.