2 TIMOTIUS 2:3 - KITTA' MATANGKASA'

³ Musti amminawang tongko angkasiaki kasessanga salaku surudadu majarre'Na Isa Almasi.

2 TIMOTIUS 2:3 ပူးပေါင်းရင်းမြစ်များ

LAMPA-LAMPANA 23:31

Jari a'lampami anjo tantaraya ngaseng anggaukangi apa nipassuroanga ri ke'nanga. Mangemi ke'nanga angngallei Paulus, nampa naerang a'lampa bangngi sa'genna mange ri Antipatris.

1 KORINTUS 13:7

Attahangi andallekangi sikontu apa-apaya, siagang tappaki mae ri apa-apa kaminang bajika lalang ri kalenna tasse're-se'rea tau; manna pole antekamma takkulleai tappu' panrannuang siagang sa'baraki antayangi sikontu apa-apa nitayanga.

1 KORINTUS 9:7

Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!

2 KORINTUS 1:6

Punna nituju ikambe ri kasukkarang, nikellaimi sollanna nipakajarre' pa'mai'nu, na nunipasalama'. Punna nipakajarre' pa'mai'na ikambe, nipakajarre' tommi pa'mai'nu. Jari akkulle mako sa'bara' lalang sikontu kasukkarang antujuako, sangkamma kasukkarang le'baka todong tattuju mae ri kambe.

1 TIMOTIUS 1:18

Anakku, Timotius! Kupappirannuangi anne jama-jamanga mae ri kau, lanri kuu'ranginna pappasanNa Allata'ala, napabattua na'bi-na'bia ri tangnga-tangngana jama'aka ri passala'na kalennu. Parallui nupa'jari sanrapang bokong anjo pappasanga, lalang jama-jamang bajika.

2 TIMOTIUS 1:1

Natarimai Timotius, anakku sannaka kukarimangnginna! Anne suraka battu ri nakke, Paulus. Ma'minasa' sollannu nisare barakka', pangngamaseang malammoro', siagang kasalewangang battu ri Allata'ala Manggea siagang Batarata Isa Almasi. Lanri ero'Na Allata'ala, nakuniangka' a'jari tunisuroNa Isa Almasi siagang nisuro untu' ambirittakangi ri sesena katallassang Napa'janjianga Allata'ala. Anjo katallassanga akkullei nitarima lanri asse'reki' siagang Isa Almasi.

2 TIMOTIUS 1:8

Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

2 TIMOTIUS 3:11

Nucini'ma' nisessa siagang angkasiaki kapa'risanga. Nuasseng ngasengi apa kajarianga ri nakke ri kota Antiokhia, Ikonium, siagang Listra; siagang nuasseng ngasengi sikamma kasessang antujua'! Mingka Nalappassanga' Allata'ala battu ri yangasenna anjo kasessanga.

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

FILEMON 1:2

siagang anggota jama'ah niaka a'rappungang ri balla'nu; kammayatompa untu' sari'battang baineta Apfia na sipa'julu jama-jamanta iamintu Arkhipus.

IBRANI 10:32

U'rangi antekamma lampa-lampana katallassannu ngaseng ri wattu allaloa. Anjo wattua, ri wattunnu Nasiori cayaNa Allata'ala, teai sipato' jaina pa'risi'nu; mingka tuli majarrekko attahang siagang akkareso.

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

IBRANI 6:15

Attayammi Abraham siagang sa'bara', sa'genna natarimamo anjo apa Napa'janjianga Allata'ala mae ri ia.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

HAKING-HAKING 3:2

NaNagaukang Batara kammaya, lanri ero'Naji bawang Naajara' a'bundu' sikontu turunganna bansa Israel, la'bipa mae ri ia ke'nanga, tenayapa nale'ba' amminawang a'bundu'.