2 TIMOTIUS 2:26 - KITTA' MATANGKASA'

²⁶ Lalang kammana anjo, akkullemi angngu'rangi ammotere' ke'nanga, siagang ta'lappasa'mi battu ri sikko'na Billisika, ia angngalleai pangngainna ke'nanga siagang ampassayai ke'nanga anturukiangi ero'na.

2 TIMOTIUS 2:26 ပူးပေါင်းရင်းမြစ်များ

AYUB 1:12

Nakanamo Batara ri lapung Panggoda, “Baji'mi, gaukammi apa eroka nugaukang mae ri sikontu kakalumanynyanganna Ayub, assala' teako pa'risi'!” A'lampami lapung Panggoda battu ri dallekanNa Batara.

AYUB 2:6

Nakanamo Batara mae ri lapung Panggoda, “Baji'mi, gaukammi apa eroka nugaukang mae ri Ia, assala' teako bunoi.”

PAMMUJI 124:7

Sanrapangki' jangang-jangang lappasaka battu patannang sikkoka, tappu'mi anjo sikkoka, nakilappasa'mo!

YESAYA 28:13

Lanri kammana anjo laNaajarakko Batara tasse're-se're hurupu', tassibuku-tassibuku kana, kammayatompa tassilampang-tassilampang bicara. Na ri wattunnu a'jappa latu'guru' tumingarako sa'gennu loko', nialle ri sikko' siagang nitahang.

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

YESAYA 8:15

Jai tau latatto'ro siagang laloko'. Lata'loposoki ke'nanga antama' ri sikkoka.”

LUKAS 11:21

Punna kassa' taua, naganna' sanjatana anjagai balla'na, lasalama' ngasengi pa'barang-baranganna.

LUKAS 15:17

Kale'bakkanna nasassala'mi kalenna, na nakana lalang nyawana, ‘Tau anjama-jamaya ri manggeku kala'biangi ri kanre, nampa inakke anrinni lamate naallea' cipuru'!

LUKAS 5:10

Kammayatompa agang-aganna Simon, iamintu Yakobus siagang Yohanes, ana'na Zebedeus. Nakanamo Isa ri Simon, “Teako mallakki! Pakkaramula ri kamma-kammaya anne la'jariko sanrapang pajala tau.”

YOHANES 13:2

Angnganre bangngi Isa siagang ana'-ana' gurunNa. Antama'mi Billisika ri atinna siagang cinnana Yudas, ana'na Simon Iskariot, sa'genna ero'mi Yudas ambalukangi Isa.

YOHANES 13:27

Tasalloai le'ba'na natarima Yudas anjo rotia, antama'mi Billisika ri atinna. Nakanamo Isa ri ia, “Gaukammi linta' apa eroka nugaukang.”

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

LAMPA-LAMPANA 5:3

Nakanamo Petrus, “Ananias, angngapa nanupassareang atinnu nakoasai Billisika, sa'gennu a'balle-balle ri RohNa Allata'ala? Iamintu nuboli' cokko-cokkoi untu' kalennu tawaruanna doe' ballinna anjo tanaya?

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

1 TIMOTIUS 3:7

Musti tau nipau bajika arenna lalang ri tangnga-tangngana tau jaia; nasaba' punna tena nakamma, gassingka lanihinaji ri taua, sa'genna tu'guru' antama' ri kalo'bang natannanga Billisika.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.