2 TIMOTIUS 1:4 - KITTA' MATANGKASA'

⁴ Kuu'rangi kasi'nanna atinnu. Iaminjo saba'na kuero' dudumo angngagangko sicini', sollangku akkulle a'jari rannu tojeng-tojeng.

2 TIMOTIUS 1:4 ပူးပေါင်းရင်းမြစ်များ

PAMMUJI 126:5

Poro appakioroka nangngarru' tommo, akkattoi siagang akkio' rannu.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

YOHANES 16:22

Kamma tomminjo ri kau ngaseng: kamma-kamma anne susai nyawanu, mingka lasibuntulu' poleang jaki' sallang, jari la'jari rannumi nyawanu. Na tenanniakka tau lakkulle angngallei anjo karannuanga battu ri nyawanu.

YOHANES 16:24

Sa'genna kamma-kamma anne tenapa nule'ba' appala' apa-apa lalang arengKu. Appalakko, nalanugappa, sollanna a'jari sukku' karannuannu.”

LAMPA-LAMPANA 20:19

Kupa'jari tunami kalengku, siagang jaimi assolong je'ne' matangku ri wattunna kugaukang jama-jamanNa Batara. Kukasia'mi pa'risika lanri kaja'dallanna tu Yahudia mae ri nakke.

LAMPA-LAMPANA 20:31

Lanri kammana, paralluko a'jaga-jaga! U'rangi angkanaya tallun taungi salloku tammari-maria angngajarakko allo bangngi, siagang jaimi je'ne' matangku ammatti' lalang kugaukanna anjo jama-jamanga.

ROMA 1:11

Nasaba' cinna dudua' angngagangko assicini' ngaseng, sollanna akkulle tongko kubagei passare pangngamaseanNa RohNa Allata'ala, nukkulle nipakajarre'.

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

FILIPI 2:26

Sanna' nakku'na mae ri kau ngaseng; siagang sanna' lussa'na lanri nugappana kabara'na angkana garringi anrinni.

1 TESALONIKA 2:17

Mingka sikamma sari'battangku, baku' anynya'la'na ikambe battu ri kau ngaseng – sisa'la' ri mata mingka tena ri pa'mai' – pila' nakku'mi ikambe mae ri kau ngaseng. Nakiattojeng-tojemmo usaha untu' angngagang ngasengko assibuntulu' poleang!

2 TIMOTIUS 4:21

Usahako nubattu linta' genteng tenanapa nabattu wattu dinginga. Ebulus, Pudes, Linus, siagang Klaudia, akkiring ngaseng tongi sallang mae ri kau; kammayatompa sikamma julu tappatta maraengannaya, akkiring ngaseng tongi sallang.

2 TIMOTIUS 4:9

Usahako linta' battu mae ri nakke,

1 YOHANES 1:4

Natulisi'mi ikambe anne suraka sollanna rannu tojeng-tojeng pa'maitta.

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”