2 TIMOTIUS 1:18 - KITTA' MATANGKASA'

¹⁸ Siagang ri wattungku ri Efesus jai sikalimi natulunganga'. Yangasenna anne nuasseng ngasemmi. Poro Napappicinikang laloi pangngamaseanNa Batara mae ri ia, ri allo niadelina ngaseng sikontu rupataua ri Batara.

2 TIMOTIUS 1:18 ပူးပေါင်းရင်းမြစ်များ

1 KARAENG-KARAENG 17:20

nampa akkio' lompo appala' doang angkana, “O Batara, Allata'alaku, angngapa naKipabattu anne balaya mae ri anne jandaya? Nasarema' tampa' untu' annompang, nampa kamma-kamma anne Kibunoi ana'na!”

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

LUKAS 1:78

Baji' ati na mangngamaseang Bataraya; battui lanri erotta Napasalama'. Sanrapang mataallo ammumba ri bari'basaka,

LUKAS 8:3

Yohana, bainenna Khuza, pagawe balla' lompona Herodes; Susana, siagang jai pole bai'-baine maraeng. Ongkoso' kalenna napake ke'nanga ambantui Isa siagang ana'-ana' gurunNa.

LAMPA-LAMPANA 18:19

Ri wattunna battu ke'nanga mange ri Efesus, nasuromi ammantang Priskila siagang Akwila, nampa antama' ri balla' sambayanga sipa'bicara siagang tu Yahudi niaka anjoreng.

LAMPA-LAMPANA 18:21

Mingka manna nakamma, ri wattunna la'lampa Paulus, nakanamo ri ke'nanga, “Punna nia' pangngellai battu ri Allata'ala, labattu poleanja' antu sallang mae anrinni.” Le'baki akkana kamma, a'lampami Paulus mange ri Efesus.

LAMPA-LAMPANA 19:1

Ri wattunna nia' Apolos ri Korintus, sitabang tongi a'lampa Paulus anjappai padalamanna anjo daeraya, sa'genna battu mange ri Efesus. Anjoreng, assibuntulu'mi siagang siapa are tau tappakamo ri Isa.

1 KORINTUS 1:8

KalenNa Almasi ampakajarrekko sa'genna kala'busang, sollanna punna battu poleangi sallang, tena callanu narapikang.

1 KORINTUS 16:8

Ri kamma-kammaya anne, erokka' ammantang anrinni ri Efesus, sa'genna allo Pentakosta.

1 KORINTUS 3:13

Sikontu apa-apa le'baka najama taua, massing lakacinikangi sallang punna battu poleang Almasi. Nasaba' pepe' sallang lampa'nassa ngasengi apa-apa massing le'baka nagaukang rupataua. Pepe' lanipake angnguji siagang ampattantui baji'-kodina anjo jama-jamanga.

2 KORINTUS 9:1

Sikontutojenna tenamo naparallu kutulisi' mae ri kau ngaseng lalang sura' anjo passala' sumbangang nikiringa mae ri Umma'Na Allata'ala niaka ri Yudea.

EFESUS 2:4

Mingka teai sipato' lompona kabajikang pa'mai'Na Allata'ala! Sanna' Nakamaseanta,

1 TESALONIKA 2:19

Tojeng-tojengi angkanaya ikau ngasemmi panrannuanna siagang karannuanna ikambe. Nasaba' punna battu sallang Batara Isa, nakiandallekang ri Ia, ikau ngasemmi nakalompoang nyawana ikambe!

1 TIMOTIUS 1:3

Kukellaiko sollannu ammantang ri Efesus. Anne le'ba' mako kupauang baji'-baji' ri wattungku mange ri daera Makedonia. Nasaba' nia' siapa are tau ri Efesus angngerang pangngajarang sala. Na parallu nupammari angngajara' sala anjo ke'nanga.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

2 TIMOTIUS 1:17

Battuku mange ri Roma, naboya memamma' linta' sa'genna assibuntulu' siagang inakke.

2 TIMOTIUS 4:12

Kusuromi Tikhikus a'lampa mange ri Efesus.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.

1 PETRUS 1:10

Iami anjo kasalamakkang napilajari bajika siagang nasalidikia na'bi-na'bia; siagang napau la'bi riolomi ke'nanga barakka' Napassareanga Allata'ala mae ri kau.

PAPPICINI' 2:1

“Untu' mae ri malaeka'na jama'ah Efesus, tulisiki kamma anne: Iaminne pappasang battu ri Ia anta'galakai anjo tujua bintoeng ri lima kananNa, siagang a'jappaya ri alla'na anjo tujua bangkeng lampu bulaenga.