2 TESALONIKA 3:8 - KITTA' MATANGKASA'

⁸ Tangnganreai ikambe kanrena taua nampa nata'bayarra ikambe. Mingka allo bangngi akkareso tojeng ikambe sollanna tenanniakka manna sitau kibattali battu ri kau;

2 TESALONIKA 3:8 ပူးပေါင်းရင်းမြစ်များ

2 KARAENG-KARAENG 6:2

Kipa'biammi a'lampa ikambe a'lampa anna'bang poko' kayu ri birinna Binanga Yordan, nampa nibangung pammantanganta anjoreng.” Appialimi Elisa angkana, “Baji'mi.”

NEHEMIA 5:18

Allo-allona kupasadia siagang ongkoso' kalengku sikayu sapi, annang kayu gimbala' co'moka kammayatompa jai jangang. Na pantaranganna anjo, lalanna tassampuloa allo kutambai jaina anggoro' biasaya kupasadia. Namanna kamma, taerokaja' antuntuki gajiku battu ri pangkakku a'jari guburnur, lanri kuassengi angkanaya ganna'mi battala'na tanggonganna ra'yaka.

PANGNGEBARANG 31:27

Tuli rajengi anjama siagang naparhatikangi urusang lalang balla'na.

MATIUS 6:11

Kisarei ikambe anne alloa apa naparalluanga ikambe.

LAMPA-LAMPANA 18:3

Ammantammi Paulus anjoreng siagang ke'nanga, siagang anjamami siagang ke'nanga. Nasaba' a'julu pa'boya-boyangi Paulus siagang ke'nanga, iamintu appareka balla'-balla' niarenga kema.

LAMPA-LAMPANA 20:34

Ikau ngaseng tonji angngassengi angkanaya battu ri posoku tonji anjama nakkulle kututuki kaparalluang allo-alloku siagang sikamma tau amminawang ri nakke.

1 KORINTUS 4:12

akkareso terasa'mi ikambe amboyai kaparalluang allo-alloa. Punna nitunraiki', nibalasa'mi siagang barakka'; punna nisessaki', sa'bara' mamaki';

1 KORINTUS 9:4

Maka tena nakusiratang anggappa kanre siagang je'ne' inung lanri jama-jamangku?

2 KORINTUS 11:27

Sitangnga matea' akkareso: a'mole-molea' tattinroa, tangnganrea, tangnginunga; a'mole-molea' naalle cipuru', naalle dinging lanri kuranna care-careku siagang tenana pammantangangku.

2 KORINTUS 11:9

Punna kakuranganga' anjo wattua, tena le'bakai nia' tau battu ri kau kususai manna sitau. Sikamma apa-apa kuparalluanga napa'ganna' ngasengi sari'battang battua ri jama'ah Makedonia. Kukatutui sollanna tena nakususaiko, manna na passala' kaparalluang apa-apa mamo. Na tuli kukatutuina anjo kammaya.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

1 TESALONIKA 2:9

Tantu nuu'rangi ngasengiji antekamma terasa'na usaha siagang barjuang ikambe. Allo bangngi anjama ikambe sollanna tena manna sitau ri kau nisusai ri kambe, ri wattunna napa'la'bang ikambe anjo Kabara' Baji' battua ri Allata'ala mae ri kau.

1 TESALONIKA 4:11

Usahako sollanna nupakasannang tallasa'nu, siagang teako pantama'-tamakki kalennu ri urusanna tau maraenga. Paralluko anjama, nanuboya lanukatallassanga, sangkamma le'baka naparentakang ikambe mae ri kau ngaseng ri pirangalloang.

2 TESALONIKA 3:12

Lanri koasaNa Batara Isa Almasi naparentakangi siagang napappakaingakkangi ikambe mae ri ke'nanga, sollanna anjama baji'-baji' ke'nanga, siagang namassing naboya katallassanna.