2 TESALONIKA 3:16 - KITTA' MATANGKASA'

¹⁶ Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.

2 TESALONIKA 3:16 ပူးပေါင်းရင်းမြစ်များ

PAMMUJI 29:11

Poro nisare lalo kagassingang umma'Na ri Batara, na Napa'jari ke'nanga salewangang.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 72:3

Poro a'jari coppongi na salewangang pa'rasanganna ikambe, na nia' kaadelang mae ri sikontu bansaya.

PAMMUJI 72:7

Poro pila' a'bakka' kaadelanga lalang sikontu jammanna, na alla'bi-la'bi kacopponganga lalang sikontu bulang niaka.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.

ZAKHARIA 6:13

Ia lambangungi BallakKu siagang lannarimai kala'birang sangkamma se'rea karaeng, siagang ia lammarenta mae ri ra'ya'na. Nia' sitau imang lanrurungangi siagang lasamaturuki ke'nanga siagang siamaki ke'nanga lalang ri jama-jamanna.’

PAMMILANGNGANG 6:26

Dasi-dasi Nanakamaseangko siagang Nasareko passiamakkang Batara.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

ROMA 1:7

Iaminjo saba'na nakutulisi' anne suraka mae ri kau ngaseng. Poro Nabarakkakiko siagang Nasareko katallassang salewangang Allata'ala Manggea siagang Batarata Isa Almasi.

ROMA 15:33

Poro Allata'ala, akkullea assarei salewangang rupataua, anrurungang ngasengko lalang ri katallassannu. Aming!

ROMA 16:20

Allata'ala assarei salewangang rupataua; tasalloami naancuru' Billisika nampa naboli' irawangang kakoasannu. Poro tuli nibarakkaki ngasengko ri Batarata Isa Almasi!

1 KORINTUS 14:33

Anjo Allata'ala Nangai apa-apa niatoro' bajika; taNangaiyai apa-apa tenaya nabaji' atoro'na. Kamma nigaukanga ri sikontu jama'aNa Allata'ala,

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

EFESUS 6:23

Poro Allata'ala Manggea, siagang Batara Isa Almasi ansarei pakkulle sikontu jama'aka untu' assamaturu' siagang assikamaseang kammayatompa tuli tappa' mae ri Almasi.

1 TESALONIKA 3:11

Naporo KalenNa Allata'ala Manggeta, kammayatompa Batarata Isa, allappari oloanna ikambe sollanta akkulle assicini'!

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

2 TESALONIKA 3:18

Poro Nabarakkaki ngasengko Batarata Isa Almasi. Sallangku, Paulus

2 TIMOTIUS 4:22

Poro nirurungangko ri Batara. Poro nibarakkaki ngasengko ri Batara! Sallangku, Paulus

FILEMON 1:25

Poro Nabarakkaki ngasengko Batara Isa Almasi. Sallangku, Paulus

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

IBRANI 7:2

Jari napassareammi Abraham mae ri Melkisedek bage sampulona battu ri sikontu barang-barang naallea battu ri balinna. (Battuanna anne areng Melkisedek uru-uruna iamintu, “Karaeng Kaadelang”; siagang pole lanri ia karaeng battui ri Salem, jari battuanna pole anne arenna iamintu “Karaeng Kasalewangang”.)

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

RUT 2:4

Tena nasallo battumi Boas battu ri Betlehem na'barisallang mae ri sikamma pakattoa. Nakana, “Poro Narurungang ngasengko Batara.” Appialimi sikamma pakattoa angkana, “Poro Nabarakkakiki' Batara”.

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”

1 SAMUEL 20:13

Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.