2 TESALONIKA 3:1 - KITTA' MATANGKASA'

¹ Kala'busanna, sari'battangku, appala' doangko untu' ikambe. Appala' doangko sollanna akkulle a'la'bang linta' siagang nitarima baji' biritta battua ri Batara, sangkamma le'baka kajariang mae ri kau ngaseng pirangalloang.

2 TESALONIKA 3:1 ပူးပေါင်းရင်းမြစ်များ

PAMMUJI 138:2

Su'juka' a'dalle' mae ri Balla' matangkasatTa nakupuji arenTa, saba' tamamminrayaKi' siagang tulusu' mangngamaseangKi'. La'bi Kiparalluangangi janjinTa kala panggappa pikkiranna taua mae ri Katte.

MATIUS 9:38

Jari pala'mi ri patanna tana sollanna nasuro battu pakattona.”

LUKAS 10:2

Nakanamo ri ke'nanga, “Jaimi ero' lanikatto, mingka sike'de'ji tau eroka nisuro akkatto. Jari, pala'mi ri Patanna tana, sollanna Nasuro pajamaya battu angkattoi wassele' lamung-lamunNa.

LAMPA-LAMPANA 12:24

Jari pila' a'la'bammi mange-mange kana-kananNa Allata'ala, siagang pila' majarre'mi.

LAMPA-LAMPANA 19:20

Kammaminjo, sanna' heba'na batena pila' tassiara' kana-kananNa Batara, siagang pila' lompomi pangaruna.

LAMPA-LAMPANA 6:7

Kammaminjo, napila' a'la'bammo kabara' battua ri Allata'ala, siagang pila' katambammi jaina tau tappaka ri Isa anjoreng ri Yerusalem. Na jai tommo imang-imang a'jari tappa' ri Isa.

ROMA 15:30

Lanri Batarata Isa Almasi, siagang lanri pangngamaseang RohNa Allata'ala, sanna' kupala'na mae ri kau ngaseng sollannu amminawang ngaseng todong attojeng-tojeng siagang inakke appala' doang mae ri Allata'ala.

1 KORINTUS 16:9

Anrinni jai kasampatang untu' jama-jamang a'matu-matua, manna najai tau ero' anghalang-halangi.

2 KORINTUS 1:11

Tappaki ikambe angkanaya lanri pappala' doangannu ngaseng, tena tanipasalama'na pole ikambe ri Allata'ala battu ri bahayaya. Najaimo tau appala' sukkuru' ri Allata'ala, iamintu sikontu tau le'baka appala' doang, nasaba' nitarimana pappala' doanna, iamintu lanri nibarakkakinamo ikambe ri Allata'ala.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

KOLOSE 4:3

Appala' doang tongko untu' ikambe, sollanta Nasare Allata'ala kasampatang baji', untu' ampa'la'bangi biritta rahasiaNa Almasi. Nasaba' passabakkang iaminjo nakunia'mo kamma-kamma anne ri tarungkua.

1 TESALONIKA 1:5

Nasaba' teai lalang kana-kana bawang batena ikambe ampabattui anne Kabara' Bajika, mingka lalang koasaNai siagang lalang RohNa Allata'ala, siagang lanri matappa'na ikambe ri katojenganna anjo Kabara' Bajika. Ri wattunna nia' ikambe ri tangnga-tangnganu, nuassemmi antekamma batena attallasa' ikambe untu' kabajikannu.

1 TESALONIKA 1:8

Nasaba' tassiara'mi birittaNa Allata'ala appakkaramula battu ri kau ngaseng sa'genna mange ri butta Makedonia siagang Akhaya. Ba'lalo tena nasikammaja anjo bawang; nasaba' anjo katappakkannu mae ri Allata'ala tassiara'mi ri kere-keremae, sa'genna tenamo apa-apa parallu napau ikambe.

1 TESALONIKA 2:1

Sikamma sari'battangku! Kalennu ngasemmi angngassengi angkanaya tena nasia-sia kabattuanna ikambe mae ri kau ngaseng.

1 TESALONIKA 2:13

Nia' pole maraengannaya a'jari saba' natuli appala' sukkuru' ikambe mae ri Allata'ala. Iamintu, angkanaya ri wattunna napabattu ikambe anjo biritta battua ri Allata'ala, nupilangngeri siagang nutarimai anjo birittaya, teai salaku biritta battu ri rupataua, passangalinna salaku biritta battu ri Allata'ala. KalenNa Allata'ala anggaukangi anjo jama-jamanga lalang ri kalennu, ia matappaka mae ri Almasi.

1 TESALONIKA 4:1

Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!

1 TESALONIKA 5:17

tuli appala' doangko mae ri Allata'ala.

1 TESALONIKA 5:25

Sari'battangku ngaseng, pappala' doangangi ikambe!

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.