2 TESALONIKA 2:7 - KITTA' MATANGKASA'

⁷ Anjo kagassingang anggaukangai anjo kaja'dallanga appakkaramulami anjama cokko-cokko, mingka nitahang-tahangiji. Punna nipalesammo sallang anjo antahangai,

2 TESALONIKA 2:7 ပူးပေါင်းရင်းမြစ်များ

LAMPA-LAMPANA 20:29

Punna a'lampa' sallang, ma'nassa laniaki battu kongkong romang nye'nyereka ri tangnga-tangnganu. Na anjo tau nujagaia la'jarimi sanrapang kanre-kanrena anjo kongkong romang nye'nyereka.

2 TESALONIKA 2:6

Mingka ri kamma-kammaya anne nia' ijapa apa-apa antahangi natammumbayapa anjo Tau Ja'dalaka; nanuasseng angkanaya apa anjo antahangai. Punna narapi'mo sallang anjo wattu le'baka Napattantu Allata'ala, lammumbami anjo Tau Ja'dalaka.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

1 YOHANES 2:18

Sikamma ana'-anakku, a'reppese'mi kala'busang jammanga! Le'ba' mako nipauang la'bi riolo angkanaya labattui MusunNa Almasi; na kamma-kamma anne jaimi ammumba musu-musunNa Almasi. Iaminjo a'jari pammatei angkanaya la'birimmi wattunna Allo Kiamaka.

1 YOHANES 4:3

Mingka inai-nai tena namangakui anjo kammaya mae ri Isa, iaminjo taua tena RohNa Allata'ala ri kalenna. Rohnaji MusunNa Almasi nia' ri kalenna anjo tau kammaya. Le'ba'mi nulangngere' angkanaya laniaki battu anjo roh kammaya, siagang kamma-kamma anne nia'mi lalang ri anne linoa.

PAPPICINI' 17:5

Ri tompo' kanynyinna nia' tattulisi' areng, niaka rahasiana battuanna. Anjo arenga iamintu “Babel Lompoa, anronna sikontu pasundalaka siagang tau kodi sipaka ri lino.”

PAPPICINI' 17:7

Nampa nakana anjo malaekaka ri nakke, “Apa saba'na nanulannasa' kamma? Baji'mi nakupauangko rahasiana anjo bainea siagang rahasiana anjo olo'-olo' nadongkokia, iamintu olo'-olo' tujua ulunna siagang sampuloa tanru'na.