2 TESALONIKA 2:11 - KITTA' MATANGKASA'

¹¹ Iaminjo saba'na naNapabattu Allata'ala mae ri ke'nanga koasa appakalingu-lingua, sa'genna napatappa' ke'nanga apa tenaya natojeng.

2 TESALONIKA 2:11 ပူးပေါင်းရင်းမြစ်များ

PA'JARIANG 39:19

Teaimi sipato' larrona Potifar.

PAMMUJI 109:17

Nangai appasuluka kana attunra; boli'mi kamma kalenna nataba pattunra! Tena nangai assare barakka', boli'mi kamma natena barakka' untu' ia!

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YEREMIA 27:10

Natipuko ke'nanga sa'gennu nierang a'lampa bella battu ri pa'rasangannu. LaKubongkako battu ri pa'rasangannu siagang lapanrakko.

YEREMIA 4:10

Nampa kukanamo, “O Batara Kaminang Tinggia, Kiballe-balleimi tu Yehuda siagang pandudu'na Yerusalem! Kikana angkana lania' kaamangngang, nampa kamma-kamma anne nyawana ikambe niancangi ri pa'dang.”

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

YEHEZKIEL 21:29

Anjo paccini' nucinika iamintu paccini' balle-balle, siagang anjo boto nupaua boto balle-balle todong. Ja'dalakko siagang dorakako, nampa wattu hukkungang kala'busannu a'reppese'mi. Anjo pa'danga lanapolongi kallonnu.

MATIUS 24:11

Jai na'bi patipu lantipui tau jaia.

MATIUS 24:5

Nasaba' lajai sallang tau battu ambalukangi arengKu nakana, ‘Inakke minne Karaeng Mappasalamaka!’ Jaimi tau lanatipu ke'nanga.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

1 TESALONIKA 2:3

Ia pakkio'na ikambe mae ri kau ngaseng teai pakkio' sala; kammayatompa teai saba' akkala' sala yareka ero' annipu.

1 TIMOTIUS 4:1

Naterassimi Napau RohNa Allata'ala angkanaya ri jammang labattua sallang, nia' sipa'gang tau lambokoi siagang lansassali Almasi. Lamminawang turuki sallang ke'nanga mae ri roh-roh salaya, siagang lanapinawangi ajarang-ajarang setanga,

2 TIMOTIUS 4:4

Lanatongko'mi tolinna ke'nanga mae ri apa-apa tojenga, mingka lanasungkemi tolinna ke'nanga mae ri carita-carita kosonga.