2 SAMUEL 9:11 - KITTA' MATANGKASA'

¹¹ Appialimi Ziba ri karaenga angkana, “Sikontu parentata karaeng lanagaukangi atanta.” Jari sipangnganreammi Mefiboset siagang karaenga, sangkamma ana' bura'ne kalenna Karaeng Daud.

2 SAMUEL 9:11 ပူးပေါင်းရင်းမြစ်များ

2 SAMUEL 15:15

Appialimi ke'nanga angkana, “Baji'mi karaeng. Sadiami ikambe untu' anggaukangi apa erotta.”

2 SAMUEL 19:24

Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

2 SAMUEL 19:26

Appialimi angkana, “O karaeng mala'birikku, kiassengi angkanaya anne atanta tempangi. Nasuroi atanta palayanna atanta untu' ampasadiangi atanta keledai akkullea nabae atanta untu' amminawang ri karaengku. Mingka niballe-ballei atanta ri anjo palayanga.

2 SAMUEL 9:10

Ikau siagang sikamma ana'nu kammayatompa pambantunu musti najamai anjo buttaya untu' kaluargana karaennu Saul, siagang sareangi anjo wassele'na ke'nanga untu' ampa'gannaki kaparalluanna ke'nanga. Mingka Mefiboset akkullei angnganre satunggu-tungguna ri balla' kakaraenganga.” (Ziba nia' ana'na 15 tau bura'ne siagang 20 jaina atanna.)

2 SAMUEL 9:12

Nia' ana' bura'nena Mefiboset niareng Mikha. Sikontu anggota kaluargana Ziba a'jari kabusuki atanna Mefiboset.

2 SAMUEL 9:13

Kammaminjo nammantammo Mefiboset panra' rua-ruaya bangkenna ri Yerusalem siagang tuli angnganrena ri balla' kakaraenganga.