2 SAMUEL 9:1 - KITTA' MATANGKASA'

¹ Ri se'reang allo akkuta'nangi Daud angkana, “Nia' ija bijanna Saul attallasa'? Punna nia' erokka' a'gau' baji' mae ri ia lanri Yonatan.”

2 SAMUEL 9:1 ပူးပေါင်းရင်းမြစ်များ

2 SAMUEL 1:26

He, Yonatan sari'battangku, paccei nyawaku, lanri lompona anggarannu mae ri kalengku. Pangngamaseannu mae ri nakke tamaka la'biri'na ba'lalo la'bi na pangngamaseanna tu bainea.

2 SAMUEL 21:7

Mingka lanri anjo Daud siagang Yonatan le'ba'mi massing assumpa, tena napassareangi Daud Mefiboset ana'naya Yonatan.

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

1 KARAENG-KARAENG 2:7

Mingka mae ri ana'-ana' bura'nena Barzilai battu ri Gilead paralluko appanggaukang baji'. Musti nutanggongi kaparalluang allo-allona ke'nanga, nasaba' le'ba'mi ampanggaukang baji' ke'nanga mae ri nakke ri wattungku lari battu ri daennu iami antu Abasalom.

PANGNGEBARANG 27:10

Teako kaluppai agannu yareka aganna manggenu. Teako appalakki bantuang ri sari'battannu lalang kasukkarang; a'matu-matuangngangi siampi' balla'nu kala sari'battannu bellaya.

MATIUS 10:42

Inai-nai assarei je'ne' inung kalase'renna tau tuna dudua, manna naje'ne' dinginja, passabakkang amminawanna ri Nakke, patappa'mi angkanaya tena tanggappana pahala sallang!”

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MARKUS 9:41

U'rangi! Inai-nai assareko je'ne' inung lanri ana' gurunnako Karaeng Mappasalamaka, mattantu lanagappai pahalana.”

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

1 SAMUEL 20:42

Nampa nakanamo Yonatan ri Daud, “Tapporo Natulung laloko Allata'ala. LaNajamingi Batara angkanaya ikatte siagang turunganta tuli lanata'gala' jarreki parjanjianta sipa'rua ri dallekanNa Allata'ala.” Le'baki anjo a'lampami Daud, nampa a'lampa tommo Yonatan ammotere' mange ri kotaya.