2 SAMUEL 8:11 - KITTA' MATANGKASA'

^11-12 Napassareang kabusuki Daud anjo sikontu hadiaya mae ri Batara untu' nipake lalang ri upacara sambayanga. Kammatommi anjo nagaukangi sikamma barang-barang bulaenga siagang pera' le'baka narampasa' battu ri Hadadezer siagang bansa-bansa nabetaya, iamintu bansa Edom, Moab, Filistin siagang Amalek.

2 SAMUEL 8:11 ပူးပေါင်းရင်းမြစ်များ

2 SAMUEL 8:10

Jari nakirimmi ana' bura'nena niarenga Yoram untu' ampabattui sallanna mae ri Karaeng Daud siagang appabattu salama' lanri anjo pammetanna; lanri anjo Karaeng Hadadezer masarroi a'bundu' siagang Tou. Battui Yoram mange ri Daud siagang angngerangi hadia ga'ga iamintu bulaeng, pera' siagang tambaga.

1 KARAENG-KARAENG 7:51

Le'ba'namo Salomo ambangungi Balla'Na Batara, naboli'mi lalang ri gudang-gudanna anjo ballaka iamintu sikontu peraka, bulaenga, siagang barang-barang maraeng ia le'baka napassareang Daud, manggena, ri Batara.

1 PATTOTTORANG 18:11

Napassareang ngasemmi Daud mae ri Batara sikamma anjo hadiaya, untu' nipake lalang gau' passambayangang. Kamma tomminjo nagaukangangi sikamma barang-barang bulaeng le'baka narampasa' battu ri Hadadezer siagang bansa-bansa nabetaya, iamintu bansa Edom, Moab, Amon, Filistin, siagang Amalek.

1 PATTOTTORANG 29:2

Bahang-bahanna anjo ballaka siagang sikamma pakkakasa'na le'ba'mi kupasadia situru' pakkulleku. Le'ba'ma' appasadia bulaeng, pera', parunggu, bassi, kayu, batu-batu ka'jalaka ballinna, batu-batu paramata, batu-batu sangka' rupaya warnana untu' pa'belo-belo, siagang sanna' jaina batu accilaka.

2 PATTOTTORANG 5:1

Le'baki nabangung Karaeng Salomo anjo Balla'Na Batara, naboli' kabusu'mi lalang ri gudang-gudanna anjo Ballaka sikamma pera', bulaeng, na barang-barang le'baka napassareang Daud manggena mae ri Batara.

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”