2 SAMUEL 7:25 - KITTA' MATANGKASA'

²⁵ Na kamma-kamma anne, o Karaeng Allata'ala, poro mangngellaiKi' ampakajarreki janjinTa le'baka Kipau untu' satunggu-tungguna ri passala'na kalengku siagang jari-jariku. Poro mangngellaiKi' naKipa'rupa anjo apa le'baka Kipa'janjiang.

2 SAMUEL 7:25 ပူးပေါင်းရင်းမြစ်များ

PA'JARIANG 32:12

Kiu'rangi angkanaya le'ba' maKi' a'janji Batara, angkanaya laKiatoro' baji' ngasengi sikontu-kontuna untu' inakke siagang Kisarea' majai turungang. Tena manna sitau lakkulle anrekengi lanri sanrapangi kassika ri biring tamparang jaina.”

2 SAMUEL 7:24

Le'ba'mi bansa Israel Kipa'jari ummatTa sa'genna satunggu-tungguna, siagang iKatte o Batara, a'jari Allata'alana ke'nanga.

2 SAMUEL 7:26

Ri kere-keremae tuli lanapakalompoi taua arenTa siagang angkana, ‘Batara Kaminang Koasaya, Iami Allata'ala mae ri tu Israel.’ Na nia' sitau battu ri jari-jarina lammarenta salaku karaeng mae ri anne bansaya sa'genna satunggu-tungguna.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

PAMMUJI 119:38

Kipakajarreki janjinTa mae ri anne atanTa, Kipassareanga mae ri tau mannurukia mae ri Katte.

PAMMUJI 119:49

Kiu'rangi laloi janjinTa mae ri anne atanTa, janji assarea panrannuang mae ri nakke.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

1 SAMUEL 1:23

Appialimi Elkana angkana, “Baji'mi, gaukammi apa nukanaya baji' ri pikkirannu. Ammantang mako ri balla' sa'genna narapi' wattunna nusa'la' anynyusu anatta. Siagang tapporo Napa'rupa laloi Batara janjinnu.” Jari ammantammi Hana ri balla' sa'genna narapi' wattunna akkulle nisa'la' anynyusu ana'na.