2 SAMUEL 7:22 - KITTA' MATANGKASA'

²² IKatte ma'nassa teai sipato' malompoTa tojeng, o Karaeng Allata'ala! IKatteji bawang Allata'ala, tena sikali sangkammanTa. Naassengi ikambe anjo passalaka lanri baku' riolo iji nanipauammo ikambe.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

Lanri Batara bawang Allata'ala; Allata'ala bawang angngalleiki'.

1 KARAENG-KARAENG 8:23

siagang appala' doang angkana, “O Batara, Allata'alana Israel! Ri langi' yareka ri buttaya, tena sangkammanTa! Kirupai janjinTa siagang Kipappicinikangi pangngamaseanTa mae ri ummatTa tamamminraya siagang mannurukia situlusu' atinna mae ri Katte.

1 PATTOTTORANG 16:25

Nasaba' malompoNa Batara siagang sanna' nipujiNa; Ia musti la'bi nikamallakkang kala sikontu rewataya.

2 PATTOTTORANG 2:5

Erokku anjo Balla'Na Batara kubangunga a'jari balla' mala'biriki, lanri anjo Allata'alana ikambe la'bi mala'birangngangi na rewata maraengannaya.

PAMMUJI 135:5

Saba' kuassengi tamaka malompona Batara, Ia malompo la'biangngang nasikontu rewataya.

PAMMUJI 145:3

Saba' malompoi Batara siagang sanna' nipujiNa takkulleai nitarrusu' kalompoanNa.

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

PAMMUJI 48:1

Pammujina golongang Korah.

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

PAMMUJI 89:6

Passirapakkanga ri suruga mammuji ri gau'-gau' mappakalannasatTa, na nakelongang tamamminraTa, o, Batara.

PAMMUJI 89:8

NipakalompoKi' ri sikamma tau matangkasaka, nikamallakkangKi' la'biangngang nasikontu niaka ri tammuliliTa.

PAMMUJI 96:4

Saba' malompoi Batara, siagang sanna' nipujiNa, musti nikamallakkangi la'biangngang nasikontu rewataya.

KALAPPASSANG 10:2

siagang sollanna akkulle nucarita mae ri ana' cucunnu antekamma batena Kupare' karek-karenang bansa Mesir lanri sikamma anjo gau' malompoa. Jari lanuasseng ngasemmi angkanaya iNakkemi Batara.”

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

KALAPPASSANG 8:10

Appialimi anjo karaenga angkana, “Pappala' doangamma' ammuko.” Nakanamo Musa, “Lakugaukangi apa kipalaka karaeng. Na lakiassemmo angkanaya tena ruanna Allata'ala sangkammaya Batara, Allata'alana ikambe.

KALAPPASSANG 8:6

Jari napajonjomi Harun anjo takkanna ri tompo'na sikontu je'neka, nampa ammumbamo tumpanga ampirassi sikontu pa'rasanganga.

KALAPPASSANG 9:14

Anne kamma lappabattuA' bala, tena namae ri sikamma pagawea siagang ra'yaka bawang, mingka ikau pole, sollanna nuasseng angkanaya tena sangkammangKu ri sikontu linoa.

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

YESAYA 45:18

Batara ampa'jari langika, Iami Allata'ala! Iami ampa'jari siagang ampareki buttaya, Najarreki pare'na na tuli ammenteng. Tena Napa'jari tampa' sino, mingka a'jari tampa' untu' nipammantangngi. Iami angkana, “INakke Batara, tena pantaranganna.

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YEHEZKIEL 36:22

Lanri kammana anjo, pabattui apa Kupaua, iNakke Batara Kaminang Tinggia, mae ri bansa Israel, angkana, ‘Anjo apa Kugaukanga sallang, teai lanri ikau he tu Israel, passangalinna lanri arengKu matangkasaka, ia le'baka nura'massi, manna pole kemae lampanu.

YEHEZKIEL 36:32

U'rangi, he Israel, angkanaya naKugaukang ngaseng anjo sikammaya, teai lanri ikau. Musti siri'-siriki nusa'ring siagang hinai pakkasia'nu lanri panggaukannu. INakke, Batara Kaminang Tinggia, anne akkana.’ ”

DANIEL 2:45

Sai kiciniki karaeng, angkanaya tena sikali tau amberoi, nania' se're batu ta'lappasa' battu ri ta'binga nampa natuju siagang naancuru' anjo patung nipareka battu ri bassi, tambaga, butta pi', pera' siagang bulaeng? Allata'ala malompoa ampa'nyatai mae ri karaengku apa lakajarianga sallang. Anjo so'naya akkullei nipatappa' siagang anne napakasingaraka atanta sanna' sikali kamma tojenna.”

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

PAOLE 3:24

O, Batara Kaminang Tinggia, kuassengi Batara, angkanaya anne sikamma apa Kipappicinikanga mae ri nakke, nampami pakaramulanna sikamma gau' malompoTa siagang gau' mappakalannasatTa. Tena ruanTa Allata'ala ri langika kammayatompa ri buttaya, akkullea anggaukangi sikamma gau' hebaka.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.

1 SAMUEL 2:2

Tena matangkasa' sangkamma Batara! Iaji bawang akkulle a'jari pa'la'lang.