2 SAMUEL 7:16 - KITTA' MATANGKASA'

¹⁶ Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

2 SAMUEL 7:16 ပူးပေါင်းရင်းမြစ်များ

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

2 SAMUEL 22:51

Allata'ala assarei pammetang karaeng Napilea, tuli Nakamaseangi tau Napilea, iamintu Daud siagang jari-jarina sa'genna satunggu-tungguna.

2 SAMUEL 7:17

Nampa napau Na'bi Natan mae ri Daud sikontu apa le'baka Napa'nyata Allata'ala mae ri ia.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

1 KARAENG-KARAENG 9:5

laKurupai janjingKu mae ri manggenu Daud, angkanaya ana' cucunna situlusu'na tuli lammarentai ri Israel.

2 KARAENG-KARAENG 19:34

LaKualleangi siagang laKula'langi kota Yerusalem lanri kala'birangKu siagang lanri parjanjiangKu siagang atangKu Daud.’ ”

2 KARAENG-KARAENG 8:19

Mingka taerokai Batara ampanraki Yehuda lanri le'ba'na a'janji mae ri Daud atanna, angkanaya jari-jarina tuli la'jari karaeng.

2 PATTOTTORANG 6:16

Le'ba' tommaKi' a'janji mae ri manggeku angkanaya punna attojeng-tojengi jari-jarina mannuruki ri hukkung-hukkunTa sangkamma todong ia, ma'nassa nia' sitau battu ri anjo jari-jarina lammarenta salaku karaeng ri Israel sa'genna satunggu-tungguna. Kamma-kamma anne, o Karaeng Allata'alana Israel, poro Kirupai ngaseng tollalomi apa le'baka Kipa'janjiang mae ri anjo manggeku Daud, atanTa.

AYUB 36:7

Naparhatikangi tau lambusuka, Napa'jari koasai ke'nanga sangkamma karaeng, sa'genna nipakala'biri' ke'nanga satunggu-tungguna.

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

PAMMUJI 72:5

Poro tulusu' attahanna sa'genna sikontu turunganna lalang nia'na ija alloa siagang bulanga.

PAMMUJI 89:4

Kikana, “Le'bakKa' appare' parjanjiang siagang tu nipileKu; le'bakKa' assumpa mae ri Daud, atangKu:

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YESAYA 9:7

Napabattumi Batara hukkunganga mae ri kakaraenganna Israel.

YEREMIA 17:25

Punna attojeng-tojengko ampajappai anjo parenta-parentaKu, sikamma karaenga siagang sikamma pamarenta ammarentaya sangkamma Daud lantamaki ri sikamma pakke'bu' lompona kota Yerusalem. Ke'nanga siagang tu Yehuda kammayatompa pandudu'na Yerusalem, la'dongko' kareta jarangi, sa'genna a'jari suara' sikali kota Yerusalem.

YEREMIA 33:17

INakke, Batara, a'janji angkanaya tuli lania' sitau battu ri jari-jarina Daud a'jari karaeng ri Israel;

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

YOHANES 12:34

Nakanamo anjo tau jaia ri Ia, “Manuru' Kitta' Hukkung niaka ri kambe, anjo Karaeng Mappasalamaka lattallasaki sa'genna satunggu-tungguna. Antekamma Nukkulle angkana musti nipakatinggi anjo Ana' Ma'rupataua ri lino? Inaika anjo Ana' Ma'rupataua?”

IBRANI 1:8

Mingka mae ri anjo Anaka, Nakana Allata'ala, “Empoang kala'biranNu, o Allata'ala, lasa'genna satunggu-tungguna! PamarentahanNu, iamintu pamarentahang adele'.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

1 SAMUEL 25:28

Kipammopporangi kacapakkanna atanta. Mattantu Batara laNaangkakki' siagang turunganta a'jari karaeng mae ri Israel, nasaba' a'bundukki' untu' Batara; siagang tena nalakigaukang kaja'dallanga lalang sikontu tallasatta.