2 SAMUEL 7:14 - KITTA' MATANGKASA'

¹⁴ INakke la'jari Manggena, siagang ia la'jari ana' bura'neKu. Punna nia' apa sala nagaukang, laKuhukkungi sangkamma se'rea mangge anghukkungi ana'na.

2 SAMUEL 7:14 ပူးပေါင်းရင်းမြစ်များ

1 KARAENG-KARAENG 11:34

Mingka manna nakamma tena nalaKualle ngaseng sikontu anjo kakaraenganga battu ri ia. LaKulappassangi koasa lalang tallasa'na. Kugaukangi anjo kammaya lanri atangKu Daud, le'baka Kupile, siagang mannurukia ri hukkung-hukkungKu siagang parenta-parentaKu.

1 KARAENG-KARAENG 9:6

Mingka punna ikau yareka turungannu nubokoiA' siagang tena numannuruki ri hukkung-hukkungKu siagang parenta-parentaKu, kammayatompa anynyombako ri rewata-rewata maraenga,

1 PATTOTTORANG 17:13

INakkemi la'jari Manggena, siagang iami la'jari ana' bura'neKu. Tuli laKugaukangi bajika mae ri ia situru' janjingKu. Tuli laKuta'gala' jarreki janjingKu, tena nasangkamma mae ri Saul le'baka Kupalesso' battu ri empoanna, sollannu akkulle a'jari karaeng.

1 PATTOTTORANG 22:10

Iaminjo ana' bura'nenu lambangung balla' untu' iNakke. Ia la'jari anakKu siagang iNakke la'jari manggena. Empoang kakaraenganna Israel latuli niaki ri turunganna sa'genna satunggu-tungguna.’ ”

1 PATTOTTORANG 28:6

Kammaminne kananNa Batara ri nakke, ‘Ana'nu Salomo lambangung balla' untu' iNakke. Iami le'ba' Kupile a'jari anakKu, na iNakke la'jari manggena.

AYUB 5:17

Upakko punna Napasaileko Allata'ala! Teako la'ba pa'mai'nu punna Nacallako.

PAMMUJI 2:7

Nakana Karaeng, “Eroki laKupa'la'bang apa Napattantu Batara. Nakana ri nakke, ‘Ikau ana' bura'neKu, anne alloa iNakke a'jari Manggenu.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

1 KORINTUS 11:32

Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

PAOLE 8:5

U'rangi, angkanaya Karaeng Allata'alanu angngajarakko rapang se're mangge angngajaraki ana'-ana'na.

IBRANI 1:5

Tena le'bakai Allata'ala akkana kamma anne mae ri se'reang malaeka', “Ikaumi AnakKu; anne alloa iNakke a'jari ManggeNu.” Tena le'baka tongi Allata'ala akkana kamma anne ri sesena se'reang malaeka', “INakke la'jari ManggeNa, na Ia la'jari AnakKu.”

PAPPICINI' 21:7

Tau ammetaya lanatarima ngasengi yangasenna anjo battu ri Nakke. INakke la'jari Allata'alana siagang ia la'jari anakKu.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.