2 SAMUEL 6:18 - KITTA' MATANGKASA'

¹⁸ Nampa Nabarakkaki sikontu ra'ya' Israel lalang arenNa Batara Kaminang Koasaya.

2 SAMUEL 6:18 ပူးပေါင်းရင်းမြစ်များ

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

2 SAMUEL 6:19

Nampa nabage-bagei ke'nanga kanre. Tunggala' tau niaka anjoreng baji' bura'ne kammayatompa bai'-bainea massing nasarei sikere' dageng nilangga, roti siagang kanrejawa kismis. Le'baki anjo massing ammotere' ngasemmi ke'nanga mange ri balla'na.

1 KARAENG-KARAENG 8:14

Le'baki appala' doang, assailemi Karaeng Salomo mae ri sikontu ra'yaka, ia niaka ammenteng anjoreng, nampa napappalakkang barakka' ke'nanga battu ri Allata'ala.

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

1 KARAENG-KARAENG 8:55

siagang akkio' lompomi nappappalakkang barakka'Na Allata'ala untu' sikontu tau a'rappunganga anjoreng, nakana,

1 PATTOTTORANG 16:2

Le'baki napassareang Daud anjo sikamma koro'banga, nabarakkakimi ra'yaka lalang arenNa Batara,

2 PATTOTTORANG 30:27

Imang-imanga siagang tu Lewi napappalakangi barakka' ra'yaka ri Batara, nampa Napilangngerimo Allata'ala battu ri pammantanganNa ri suruga anjo pappala' doanna ke'nanga na Natarima.

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.

2 PATTOTTORANG 6:3

Le'baki appala' doang, nagilimmi kalenna karaenga mae ri sikontu ra'yaka niaka ammenteng anjoreng, nampa napappalakkang barakka'Na Allata'ala ke'nanga.

PAMMUJI 129:8

Sikamma tau allaloa lanakana, “Poro nibarakkakiko ri Batara, ikambe ambarakkakiko lalang arenNa Batara.”

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

LAMPA-LAMPANA 3:26

Iaminjo saba'na naNapattantumo Ana'Na Nasuro rolong battu mae ri kau, sollanna naNabarakkakiko. Ia bateNa ambarakkakiko, iamintu Napa'jari tobakko battu ri kaja'dallanga lalang ri katallassannu.”

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)