2 SAMUEL 6:15 - KITTA' MATANGKASA'

¹⁵ Kammaminjo batena Daud siagang sikontu ra'ya' Israel ampaletteki anjo Patti Parjanjianga mange ri Yerusalem, nirurungang siagang sa'ra rannu lompo siagang sa'ra tarompe'.

2 SAMUEL 6:15 ပူးပေါင်းရင်းမြစ်များ

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

2 SAMUEL 6:16

Ri wattunna sitabang nierang anjo Patti Parjanjianga antama' ri kotaya, attoaki Mikhal ana' bainena Saul battu ri jandelaya na nacini'mo Karaeng Daud a'lumpa'-lumpa' siagang a'joge'-joge' untu' ampakala'biriki Batara; na lanremo nasa'ring Mikhal anciniki Daud appakamma.

1 PATTOTTORANG 15:16

Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.

1 PATTOTTORANG 15:25

A'lampami Karaeng Daud siagang sikamma pamimpinna Israel kammayatompa sikamma perwira-perwiraya mange ri balla'na Obed-Edom untu' angngallei Patti Parjanjianga anjo, nanisuarri lompo.

1 PATTOTTORANG 15:28

Sikontu umma' Israel a'lampa ngasengi anrurungangi anjo Patti Parjanjianga sa'genna ri Yerusalem, ma'rannu-rannu, sa'ra tarompe', napiri, simbala', kammayatompa sa'ra kacapi.

PAMMUJI 132:18

Tuli lasalewangangi kakaraenganna, mingka musu-musunna lanipakasiriki.”

PAMMUJI 149:5

Boli'mi kamma umma'Na Allata'ala a'rannu-rannu lanri katinggianNa, akkelong rannu sila'busu' bangngi.

PAMMUJI 150:3

Pujimi siagang sa'ra tarompe', pujimi siagang gambusu' na kacapi!

PAMMUJI 47:1

Pammujina golongang Korah. Untu' pamimping pakelong.

YEHEZKIEL 46:10

Patugasa' pamarentaya musti antamaki ri Balla'Na Batara assiagang ngaseng ra'yaka, siagang punna ammotereki musti siagang ngaseng tongi.

HABAKUK 3:18

tuli larannuna pa'maikku, nasaba' iKatte Karaeng Allata'ala mappasalamakku.