2 SAMUEL 6:14 - KITTA' MATANGKASA'

¹⁴ Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Kammaminjo batena Daud siagang sikontu ra'ya' Israel ampaletteki anjo Patti Parjanjianga mange ri Yerusalem, nirurungang siagang sa'ra rannu lompo siagang sa'ra tarompe'.

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

1 PATTOTTORANG 15:27

Anjo wattua Daud ammakei juba kaeng lenang halusu', kammayatompa sikamma pakarena musika, siagang Kenanya pamimpinna ke'nanga, siagang sikamma tu Lewi angngangkakai anjo Patti Parjanjianga. Ammake tongi Daud nikanaya baju Efod.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 150:4

Pujimi siagang rabana nu'joge'-joge', pujimi siagang kacapi na suling.

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

KALAPPASSANG 15:21

Akkelommi Miryam, nirurungang ri rabana; na nakana kelong-kelonna, “Akkelongko mae ri Batara, saba' le'ba'mi ammeta lompo. Sikontu jaranga siagang tu'baena nipasambila ngaseng antama' ri tamparang.”

KALAPPASSANG 19:6

poro untu' KalengKu bawang, nampa ikau lanulayaniA' salaku imang-imang.”

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YEHEZKIEL 46:10

Patugasa' pamarentaya musti antamaki ri Balla'Na Batara assiagang ngaseng ra'yaka, siagang punna ammotereki musti siagang ngaseng tongi.

LUKAS 15:25

Anjo wattua, sitabangi nia' ri kokoa ana' bungasaka. Ri wattunna ammotere' nanrapi' ri rampi' ballaka, nalangngere'mi sa'ra sulinga siagang tau a'dansaya.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

KOLOSE 3:23

Jama-jamang apa mamo nugaukang, parallui nugaukang situlusu'na pa'mai'nu; sanrapang angkanaya untu' Batara nanugaukangi anjo jamanga, teai untu' rupataua bawang.

HAKING-HAKING 11:34

Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

HAKING-HAKING 21:21

siagang a'jaga-jaga mako anjoreng. Sinampe' punna assulu' sikamma tuloloa ri Silo untu' a'joge' ri passua'-suarrang tunggala' taunga mae ri Batara, musti assulukko battu ri anjo koko-koko anggoroka. Nampa massing angngallemako tasse'rei tulolo battu ri ke'nanga nampa nulariang mange ri daerana Benyamin nupa'jari bainennu.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

1 SAMUEL 2:28

Battu ri sikontu suku niaka ri Israel, le'ba'mi Kupile kaluargana untu' ajari imangKu, untu' allayani ri tampa' pakkoro'bangnganga, attunu dupa, siagang ammake baju efod punna a'bicarai siagang iNakke. Siagang le'ba'mi Kusare ha' ke'nanga siagang turunganna untu' angngalle sipa'gang battu ri koro'bang nitunua ri tampa' pakkoro'bangnganga.

1 SAMUEL 22:18

Lanri kammana nakanamo Saul ri Doëg, “Lintakko! Ikaumo ambunoi anjo ke'nanga!” Jari majumi Doëg nampa nabuno ngaseng anjo imang-imanga. Anjo alloa nia' sagantujupulo allima imang nabuno, ia imang akkullea ammake baju efod.