2 SAMUEL 4:9 - KITTA' MATANGKASA'

⁹ Mingka appialimi Daud angkana, “Batara mattallasaka, le'baka ampasalamaka' battu ri sikontu balaya, Naassengi angkanaya annabai anne lakukananga.

2 SAMUEL 4:9 ပူးပေါင်းရင်းမြစ်များ

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

1 KARAENG-KARAENG 1:29

Nampa nakanamo karaenga ri ia, “Memang le'ba'ma' a'janji ri kau, lanri arenNa Batara, Allata'alana Israel, angkanaya Salomo ana'nu lansambeanga' a'jari karaeng. Jari kamma-kamma anne a'janjia' ri kau, lanri Batara mattallasaka, Ia le'baka allappassanga' battu ri sikontu kasukkarrangku, angkanaya anne memang alloa nalakurupai janjingku mae ri kau.”

PAMMUJI 103:4

Ia ampakabebasaki nyawanu battu ri kuburuka, assareko pangngamaseang alla'bi-la'bi.

PAMMUJI 106:10

Lanri kammana Napasalama'mi ke'nanga battu ri limanna musua, Napakabebasa' battu ri koasana balinna.

PAMMUJI 107:2

Pau ma'mole-molei anjo kammaya, he ikau le'baka nipasalama' battu ri kasusaanga.

PAMMUJI 34:17

Mingka Nabaliangi tu a'gau' ja'dalaka; punna mate ke'nanga, lintaki nikaluppai.

PAMMUJI 34:22

Tu ja'dalaka lamatei lanri kaja'dallanna, tu birisika mae ri tu bajika lanihukkungi.

PAMMUJI 69:18

TeaKi' accokkoi battu ri anne atanTa, saba' natujua' kasusaang, karo-karo maKi' antulunga'.

PAMMUJI 71:23

Akkio' marannua' ma'reja-reja, na kumakkelong mammuji ri Katte. Nyawaku siagang tubuku makkelong rannu, saba' le'ba'ma' Kipasalama'.

1 SAMUEL 26:24

Jari, sangkamma batena atanta, anne alloa narellakammi karaengku attallasa', kamma tomminjo tapporo nikatutui anne atanta ri Batara siagang nilappassang battu ri sikontu bahayaya!”