2 SAMUEL 4:7 - KITTA' MATANGKASA'

⁷ Tulusuki ke'nanga antama' ri bili' katinroanna Isyboset, sitabanga attinro jannang, nampa natobo' sa'genna mate. Napolongi kallonna ke'nanga nampa naerang ulunna a'lampa. Sipattangi bujuru' ke'nanga a'jappa allalo ri Ka'bung Lappara'na Yordan.

2 SAMUEL 4:7 ပူးပေါင်းရင်းမြစ်များ

2 SAMUEL 2:29

Abner siagang ana' buana a'barrisiki sipattang bujuru' allalo ri lappara' ka'bunna Yordan, nampa a'limbang ri Binanga Yordan. Na le'baki a'jappa tulusu' sikabusu'na alloa ammukona, anrapi'mi ke'nanga mange ri Mahanaim.

KALAPPASSANG 8:3

Anne Binanga Nil larassi siagang tumpang, sa'genna lassulu' anjo olo'-olo' kammaya battu lalang ri je'neka nampa antama' ri balla' kakaraengannu, antama' ri kamara' katinroannu siagang sikamma kamara' katinroanga, antama' ri sikamma balla'na sikamma pagawea siagang balla'na ra'yaka, ba'lalo antama' ri pattunuang rotia siagang panci-pancia.

MATIUS 14:11

Nampa nierang ulunna antama', nipadongko' rate ri kapparaka. Nisareammi anjo tuloloa; nampa napassareang anjo tuloloa mae ri amma'na.

1 SAMUEL 17:54

Naallemi Daud ulunna Goliat, nampa naerang mange ri Yerusalem. Mingka sikamma sanjatana Goliat naboli'mi ri kema kalenna.

1 SAMUEL 31:9

Naallemi ke'nanga ulunna Saul siagang naalle tommi baju pa'bundu'na, nampa akkiring kabara' tu Filistin mange ri sikontu pa'rasangang Filistin untu' ampabattui anjo kabara' bajika mae ri ra'yaka siagang rewatana ke'nanga.