2 SAMUEL 3:39 - KITTA' MATANGKASA'

³⁹ Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

2 SAMUEL 3:39 ပူးပေါင်းရင်းမြစ်များ

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

2 SAMUEL 19:22

Mingka nakanamo Daud mae ri Abisai siagang Yoab daenna, “Teako pantama'-tamakki. Angngapa nanususai ngasenga'? Anne alloa inakke a'jari karaeng ammotere' mae ri Israel, siagang takkulleai nia' tu Israel nihukkung mate.”

2 SAMUEL 3:38

Nakana karaenga mae ri sikamma tumminawanna, “Tanuassengakai angkanaya anne alloa nia' sitau pamimping lompo ri Israel mate?

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

1 KARAENG-KARAENG 2:9

Mingka iaminne pasangku ri kau: teako lappassangi ta'lappasa' battu ri hukkunganga. Kuassengi angkanaya ikau baji' pa'maikko. Jari, manna pole natoamo, usahakangi na nihukkung mate.”

1 PATTOTTORANG 22:5

Nagaukang ngasemmi Daud sikammaya anjo lanri napikkiriki angkana, “Musti kupasadiai apa niparalluanga untu' bangunanna Balla'Na Batara. Nasaba' Salomo anakku rungka iji siagang kurang iji pangalamanna. Nampa anjo Balla'Na Batara eroka nabangung musti sannaki ga'gana siagang masahoroki mae ri sikontu linoa.” Jari lalang tenanapa namate Daud, appasadiami jai sikali bahang bangunang.

1 PATTOTTORANG 29:1

Nampa nakana Karaeng Daud mae ri sikontu tau a'rappunganga anjoreng, “Battu ri sikontu ana' bura'neku, Salomomi Napile Allata'ala. Mingka rungka dudu iji siagang kurang iji pangalamanna, naanne jama-jamanga sanna' lompona. Nampa pole anjo lanibangunga teai balla' karaeng rupatau, passangalinna balla' untu' Karaeng Allata'ala.

2 PATTOTTORANG 13:7

Appasse'rei sipa'gompoang tau kurangajara' nampa ero' napassakang ero'na mae ri Rehabeam ana' bura'nena Salomo, rungka dudua anjo wattua siagang tenayapa pangalamanna untu' angngewa.

PAMMUJI 101:8

Allo-alloi lakupaccappu' sikamma tau ja'dalaka ri anne pa'rasanganga. Sikontu tau manggaukanga kaja'dallang lakupa'lanynyaki battu ri kotaNa Batara.

PAMMUJI 28:4

Hukkung laloi ke'nanga lanri panggaukanna ke'nanga, lanri kaja'dallang nagaukanga ke'nanga. Hukkung laloi ke'nanga situru' panggaukanna ke'nanga; hukkungi ke'nanga simbattala' panggaukanna ke'nanga.

PAMMUJI 62:12

Pissiapammi kulangngere' Allata'ala angkana, anjo kakoasanga battu ri Ia,

PAMMUJI 7:16

Angngekei kali'bong untu' tau maraeng, mingka kalenna tu'guru' antama'.

PAMMUJI 75:10

Mingka latuli kukabarrangi Allata'alana Yakub, kukelongangi lagu-lagu pammujia mae ri Ia.

KALAPPASSANG 21:12

“Inai-nai amba'ji paranna tau sa'genna mate, musti nihukkung matei.

PANGNGEBARANG 20:8

Punna ammempo karaenga ri kaderaya ri pangadelang, akkullei nacini' sikontu tau ja'dalaka.

PANGNGEBARANG 25:5

Pakabellai sikamma pappakainga' ja'dalaka battu ri balla' lompoa, nampami jarre' pamarentahanga lanri kaadelang.

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

YESAYA 7:4

Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.

YEREMIA 38:5

Appialimi Karaeng Zedekia nakana, “Baji'mi! Gaukammi mae ri ia situru' ero'nu, tena kukkulle ampisangkaiko.”

DANIEL 6:16

Nampa ammotere'mi pole anjo taua ngaseng andallekang ri karaenga, siagang angkana, “O karaengku, parallui kiu'rangi angkanaya situru' undang-undang Media siagang Persia, parenta napasuluka karaenga takkulleai nipinra-pinra.”

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

ROMA 13:4

Nasaba' anjo pamarentaya atanNa Allata'ala, anjamaya untu' kabajikannu. Mingka punna a'gau' ja'dalakko, memang musti mallakko mae ri pamarentaya; nasaba' tena naporo nia'naja koasana anghukkungi taua. Iami atanNa Allata'ala, ampabattuai hukkunganNa Allata'ala mae ri tau a'gau' ja'dalaka.

2 TIMOTIUS 4:14

Aleksander, anjo tukang tambagaya sanna' ja'dala'na panggaukanna mae ri nakke. Mingka lanibalasaki ri Batara situru' anjo panggaukanna.

HAKING-HAKING 9:57

Na Nahukkung tommo taua ri Sikhem lanri kaja'dallanna ke'nanga. Yangasenna anjo kajarianga sicoco' le'baki apa le'baka napau Yotam, ana'na Gideon, ri wattunna nasumpai ke'nanga.